ମୁମ୍ବାଇ: ଆସନ୍ତା 24ତାରିଖରୁ ଆରମ୍ଭ ହେବ ଭାରତ-ନ୍ୟୁଜିଲାଣ୍ଡ ଦିନିକିଆ ସିରିଜ । ଏଥିପାଇଁ ଭାରତୀୟ ଦଳ ନ୍ୟୁଜିଲାଣ୍ଡ ଗସ୍ତ କରିଥିବା ବେଳେ ଆଜି (ମଙ୍ଗଳବାର) 16ଜଣିଆ ଭାରତୀୟ ଦଳ ଘୋଷଣା ହୋଇଛି । ତେବେ ଟି-20 ଦଳରେ ଆହତ ଶିଖର ଧୱନଙ୍କ ସ୍ଥାନରେ ସଞ୍ଜୁ ସାମସନଙ୍କୁ ସ୍ଥାନ ଦିଆଯାଇଥିବା ବେଳେ ଦିନିକିଆରେ ପୃଥୀ ଶ'ଙ୍କୁ ସ୍ଥାନ ମିଳିଛି ।
ଉଲ୍ଲେଖଥାଉ କି, ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜର ନିର୍ଣ୍ଣାୟକ ମ୍ୟାଚରେ ଫିଲ୍ଡିଂ କରୁଥିବା ସମୟରେ ଧୱନ୍ ଆହତ ହୋଇଥିଲେ । ତେବେ ଧୱନଙ୍କୁ ପୂର୍ବରୁ ନ୍ୟୁଜିଲାଣ୍ଡ ବିପକ୍ଷ ଟି-20 ସିରିଜ୍ ପାଇଁ ଚୟନ କରାଯାଇଥିଲା । କିନ୍ତୁ ଆହତ କାରଣରୁ ସେ ଦଳରୁ ବାଦ ପଡିଛନ୍ତି ।
