କଟକ: ବାପାଙ୍କ ପରେ ପୁଅର କମାଲ । ବାପାଙ୍କ ଅନୁପସ୍ଥିତିରେ ମଧ୍ୟ ପୁଅ ମାରିନେଲେ ବାଜି । ସମସ୍ତ ଗୁରୁ ମନ୍ତ୍ରର କଲେ ସଠିକ ବିନିଯୋଗ । ସମସ୍ତଙ୍କୁ ଆଶ୍ଚର୍ଯ୍ୟ କରି ଶେଷରେ ଓସିଏ ସମ୍ପାଦକ ପଦରେ ବିଜୟୀ ହୋଇଛନ୍ତି ଆଶୀର୍ବାଦ ବେହେରାଙ୍କ ସାନପୁଅ ସଞ୍ଜୟ ବେହେରା ।
ତେବେ ଶେଷ ହୋଇଥିବା ବହୁ ଚର୍ଚ୍ଚିତ ଓସିଏ ନିର୍ବଚନରେ ସମସ୍ତ ପଦରେ ବିଜୟୀ ହୋଇଛନ୍ତି ସଞ୍ଜୟ ବେହେରାଙ୍କ ଗୋଷ୍ଠୀ । ତେବେ ଏକ କଡା ମୁକାବିଲା ଦେଖିବାକୁ ମିଳିଥିଲେ ସୁଦ୍ଧା ବିଜୟୀ ହେବି ବୋଲି ପୂର୍ବରୁ ସ୍ପଷ୍ଟ ଥିଲା ବୋଲି କହିଛନ୍ତି ନୂତନ ଓସିଏ ସଭାପତି ପଙ୍କଜ ଲୋଚନ ମହାନ୍ତି ।
ସେ କହିଛନ୍ତି, "ଏହି ବିଜୟ କେବଳ ଆଶୀର୍ବାଦ ବାବୁଙ୍କ ପାଇଁ ହୋଇଛି । ଆଶୀର୍ବାଦ ବାବୁଙ୍କ ଗୁରୁ ମନ୍ତ୍ର କାମ ଦେଇଛି । ଅନେକ ଦିନ ଟ୍ୟୁସନ ପରେ ଆଜି ମିଳିଛି ଏହି ସଫଳତା । ଯାହାର ଶ୍ରେୟ କେବଳ ଆଶୀର୍ବାଦ ବେହେରା । ତେବେ ଆଗାମୀ ଦିନରେ କେବଳ ଓଡିଶା କ୍ରିକେଟର ବିକାଶ ଓ ରାଜ୍ୟର ଉଚ୍ଚକୋଟୀର ଖେଳାଳିଙ୍କୁ ଅନ୍ତର୍ଜାତୀୟ ସ୍ତରରେ ପହଞ୍ଚାଇବାରେ ମୋର ଏକ ମାତ୍ର ଲକ୍ଷ୍ୟ ।"
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
