ମାଉଣ୍ଟ ମାଉଙ୍ଗାନୁଇ: ମଙ୍ଗଳବାର ଭାରତ- ନ୍ୟୁଜିଲାଣ୍ଡ ମଧ୍ୟରେ 3ମ୍ୟାଚ ବିଶିଷ୍ଟ ଦିନିକିଆ ସିରିଜର ଅନ୍ତିମ ମ୍ୟାଚ ଖେଳାଯିବ । ନ୍ୟୁଜିଲାଣ୍ଡ ଆଗୁଆ ଏହି ସିରିଜକୁ 2-0ରେ ନିଜ ନାଁରେ କରିଛି । ଆଗାମୀ ମ୍ୟାଚକୁ ନେଇ ଭାରତୀୟ କ୍ରିକେଟ ଟିମର ଦ୍ରୁତ ବୋଲର ଶାର୍ଦ୍ଦୁଳ ଠାକୁର କହିଛନ୍ତି ଯେ, ସମସ୍ତ ମ୍ୟାଚ ଗୁରୁତ୍ବପୂର୍ଣ୍ଣ ।
ସେ କହିଛନ୍ତି ଯେ, ସମସ୍ତ ମ୍ୟାଚ ଜରୁରୀ । ଆମେ ସିରିଜରେ 2-0ରେ ପଛରେ ଅଛୁ । ତଥାପି ଏହି ମ୍ୟାଚ ଆମ ପାଇଁ ଗୁରୁତ୍ବପୂର୍ଣ୍ଣ । ସମସ୍ତ ଅନ୍ତର୍ଜାତୀୟ ମ୍ୟାଚର ମହତ୍ତ୍ବ ରହିଛି । ବିଜୟ ଲକ୍ଷ୍ୟରେ ଆମେ ଖେଳିବୁ ।
ଆହୁରି ମଧ୍ୟ ସେ କହିଛନ୍ତି ଯେ, ଟେଲର ସାନଦାର ଖେଳୁଛନ୍ତି । 2ଟି ମ୍ୟାଚରେ ତାଙ୍କୁ ଆଉଟ କରିବା ପାଇଁ ଆମ ପାଖରେ ସୁଯୋଗ ଥିଲା, କିନ୍ତୁ କରିପାରିଲୁ ନାହିଁ । ଆମ ପାଇଁ ଜରୁରୀ ଟେଲରଙ୍କୁ ଶୀଘ୍ର ଆଉଟ୍ କରିବା ।
