ୱେଲିଂଟନ: ଆଜି ଭାରତ-ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ଖେଳାଯାଉଛି। ଟସ ଜିତି ନ୍ୟୁଜିଲାଣ୍ଡ କ୍ୟାପଟନ କେନ ୱିଲିୟମସନ ପ୍ରଥମେ ବୋଲିଂ ନିଷ୍ପତ୍ତି ନେବାପରେ, ପ୍ରଥମେ ବ୍ୟାଟିଂ କରୁଛି ଭାରତ।
ତେବେ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି ଭାରତ। ମଧ୍ୟାହ୍ନ ଭୋଜନ ବିରତି ସୁଦ୍ଧା ଭାରତର ସ୍କୋର 28 ଓଭରରେ 3 ୱିକେଟ ହରାଇ 79 ରହିଛି। ମୟଙ୍କ ଅଗ୍ରୱାଲ 29 ଓ ଅଜିଜ୍ଞ ରାହାଣେ 19 କରି ଅପରାଜିତ ଅଛନ୍ତି।
ମ୍ୟାଚର 5ମ ଓଭରରେ ଟିମ ଇଣ୍ଡିଆ ଯୁବ ଓପନର ପୃଥ୍ବୀ ଶଙ୍କ ୱିକେଟ ହରାଇଥିଲା । ଟିମ ସାଉଦୀ ପୃଥ୍ବୀ ଶଙ୍କୁ ଆଉଟ କରି ନ୍ୟୁଜିଲାଣ୍ଡକୁ ପ୍ରଥମ ସଫଳତା ଦେଇଥିଲେ। ଏହାପରେ ଚେତେଶ୍ବର ପୂଜାରା 11 ରନ କରି ଡେବ୍ୟୁ ଟେଷ୍ଟ ଖେଳୁଥିବା ଜେମିଏସନଙ୍କ ଶୀକାର ହୋଇଥିଲେ । ତେବେ ଏହାର ମାତ୍ର ଗୋଟିଏ ଓଭର ପରେ କ୍ୟାପଟେନ ବିରାଟ କୋହଲି ଜେମିଏସନଙ୍କ 2ୟ ଶୀକାର ହୋଇଥିଲେ । ମାତ୍ର 2ରନ କରି ଆଉଟ ହୋଇଛନ୍ତି କୋହଲି। ଫଳରେ ଭାରତର ସ୍କୋର 40/3 ରହିଥିଲା । ମାତ୍ର ମୟଙ୍କ ଅଗ୍ରୱାଲ ଓ ଅଜିଙ୍କ୍ୟ ରାହାଣେ ଭାରତୀୟ ପାଳିକୁ ସମ୍ଭାଳିବା ସହ 39 ରନର ଅପରାଜିତ ପାର୍ଟନରସିପ ମଧ୍ୟ କରିଛନ୍ତି।
ଭାରତୀୟ ଚୁଡାନ୍ତ ଏକାଦଶ: ପୃଥ୍ବୀ ଶ, ମୟଙ୍କ ଅଗ୍ରୱାଲ, ଚେତେଶ୍ବର ପୂଜାରା, ବିରାଟ କୋହଲି(କ୍ୟାପଟେନ), ଅଜିଙ୍କ୍ୟ ରାହାଣେ, ହନୁମା ବିହାରୀ, ଋଷଭ ପନ୍ତ(ୱିକେଟ କିପର), ରବିଚନ୍ଦ୍ରନ ଅଶ୍ବିନ, ମହମ୍ମଦ ସାମି, ଜଶପ୍ରିତ ବୁମରା, ଇଶାନ୍ତ ଶର୍ମା।
ନ୍ୟୁଜିଲାଣ୍ଡ ଚୁଡାନ୍ତ ଏକାଦଶ: ଟମ ଲାଥମ, ଟମ ବ୍ଳେଣ୍ଡେଲ, କେନ ୱିଲିୟମସନ(କ୍ୟାପଟେନ), ରସ ଟେଲର, ହେନରୀ ନିକୋଲାସ, ବିଜେ ୱେଟଲିଙ୍ଗ(ୱିକେଟ କିପର), କଲିନ ଗ୍ରାଣ୍ଡହୋମ, କେଲ ଜେମିଏସନ, ଟିମ ସାଉଦୀ, ଟ୍ରେଣ୍ଟ ବୋଲ୍ଟ, ଏଜାଜ ପଟେଲ।
