ହାଇଦ୍ରାବାଦ: ଘାଟିରେ ଗତ କିଛି ଦିନ ଭିତରେ ବ୍ୟାପକ ସୁରକ୍ଷାବଳଙ୍କ ମୁତୟନ ନେଇ ଏବେ ଦେଶବାସୀଙ୍କ ମନରେ ଅନେକ ପ୍ରଶ୍ନ ଉଙ୍କି ମାରୁଛି । କାରଣ 7ଦିନ ଭିତରେ କେନ୍ଦ୍ର ସରକାର କାଶ୍ମୀରକୁ 35ହଜାର ଅର୍ଦ୍ଧସାମରିକ ବଳ ପଠାଇ ସାରିଛନ୍ତି ।
ଏପଟେ ଭାରତୀୟ ଦଳର ପୂର୍ବତନ ଅଧିନାୟକ ତଥା ଓ୍ବିକେଟକିପର ମହେନ୍ଦ୍ର ସିଂ ଧୋନୀଙ୍କ ଆର୍ମି ଟ୍ରେନିଂ କାଶ୍ମୀରରେ ଚାଲିଛି । ଏହି ସମୟରେ ମାହିଙ୍କ ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଲୋକେ ମାହିଙ୍କୁ ବେଷ୍ଟ ଫିନିସର କହି ଫଟୋ ସେୟାର କରୁଛନ୍ତି ।
ଜଣେ ୟୁଜର୍ସ ନିଜ ଟ୍ବିଟର ଆକାଉଣ୍ଟରେ ଲେଖିଛନ୍ତି, କାଶ୍ମୀର ଆତଙ୍କବାଦୀ.. ମନେରଖ ବିଶ୍ବର ବେଷ୍ଟ ଫିନିସର ଏବେ କାଶ୍ମୀରରେ ଡ୍ୟୁଟରେ ଅଛନ୍ତି #operationkashmir
ସେହିପରି ଆଉ ଜଣେ ନିଜର ଟ୍ବିଟର ଆକାଉଣ୍ଟରେ ଲେଖିଛନ୍ତି, ଭାରତର ପ୍ରଧାନମନ୍ତ୍ରୀ ଖେଳକୁ ଫିନିସ କରିବାକୁ ଚାହୁଁଛନ୍ତି । ସେଥିପାଇଁ ଧୋନି ସେଠାରେ ଅଛନ୍ତି । #operationkashmir
ଏହିପରି ଅନେକ ପୋଷ୍ଟ ଟ୍ବିଟରରେ ଦେଖିବାକୁ ମିଳୁଛି । ସେଥିରେ ମାହିଙ୍କୁ ବେଷ୍ଟ ଫିନିସର କହିବା ସହ ମାହିଙ୍କ ହାତରେ ରାଇଫଲ ଥିବା ଫଟୋ ପୋଷ୍ଟ କରୁଛନ୍ତି ।
