ହାଇଦ୍ରାବାଦ: ମ୍ୟାଚ ପିକ୍ସିଂରୁ କ୍ରିକେଟ ବୋର୍ଡ ଅଧ୍ୟକ୍ଷ । ନୂଆ ଇନିଂସ୍ ଆରମ୍ଭ କରିବାକୁ ଯାଉଛନ୍ତି ଭାରତୀୟ ଦଳର ପୂର୍ବତନ ଅଧିନାୟକ ମହମ୍ମଦ ଆଝାରୁଦ୍ଦିନ । ଶୁକ୍ରବାର ହାଇଦ୍ରାବାଦ କ୍ରିକେଟ ଆସୋସିଏସନ (ଏଚ୍ସିଏ)ର ନବନିର୍ବାଚିତ ଅଧ୍ୟକ୍ଷ ହୋଇଛନ୍ତି ଆଝାରୁଦ୍ଦିନ ।
କ୍ରିକେଟ ବୋର୍ଡ ଗଭର୍ଣ୍ଣିଂ ବଡି ନିର୍ବାଚନରେ ସେ ତାଙ୍କ ନିକଟତମ ପ୍ରତିଦ୍ବନ୍ଦ୍ବୀ ପ୍ରକାଶ ଚାନ୍ଦଙ୍କ ଠାରୁ ବଡ ବ୍ୟବଧାନରେ ବିଜୟୀ ହୋଇଛନ୍ତି । 56 ବର୍ଷୀୟ ଆଝାରୁଦ୍ଦିନ 147 ଭୋଟ ପାଇଥିବା ବେଳେ ପ୍ରକାଶ 73 ଖଣ୍ଡ ଭୋଟ୍ ପାଇଛନ୍ତି । ଏଥି ସହିତ ତାଙ୍କ ଗୋଷ୍ଠୀର ସମସ୍ତ ପ୍ରାର୍ଥୀ ବିଜୟ ଲାଭ କରିଛନ୍ତି ।
ଉପସଭାପତି ପଦରେ ତାଙ୍କ ଗୋଷ୍ଠୀରୁ ଜନ ମନୋଜ ନିର୍ବଚିତ ହୋଇଛନ୍ତି । ସେହିପରି ସମ୍ପାଦକ ପଦରେ ବିଜୟ ଆନନ୍ଦ ନିର୍ବାଚିତ ହୋଇଛନ୍ତି । ନରେଶ ଶର୍ମା ଯୁଗ୍ମ ସମ୍ପାଦକ ଓ କୋଷାଧ୍ୟକ୍ଷ ପଦରେ ସୁନ୍ଦର ଅଗ୍ରୱାଲ ନିର୍ବଚିତ ହୋଇଛନ୍ତି ।
