ନୂଆଦିଲ୍ଲୀ: ପ୍ରକାଶ ପାଇଛି ବିସିସିଆଇ ବାର୍ଷିକ କେନ୍ଦ୍ରୀୟ ଚୁକ୍ତି ତାଲିକା। ଏହି ତାଲିକାରେ ଭେଟେରାନ ଭାରତୀୟ ମହିଳା କ୍ରିକେଟର ମିତାଲି ରାଜେଙ୍କୁ ଗ୍ରେଡ Bରେ ସ୍ଥାନ ମିଳିଛି। ପୂର୍ବ ଚୁକ୍ତିରେ ମିତାଲି ଗ୍ରେଡ Aରେ ଥିଲେ । ଗତ ବର୍ଷ ସେପ୍ଟମ୍ବରରେ ଟି20 କ୍ରିକେଟରୁ ଅବସର ନେଇଥିଲେ ଏହି ଭେଟେରାନ ମହିଳା କ୍ରିକେଟର। ମାତ୍ର ଦିନିକିଆ କ୍ରିକେଟ ଖେଳିବା ଜାରି ରଖିଥିଲେ । ସେଥିପାଇଁ ଅଧିକ ସଂଖ୍ୟକ ମ୍ୟାଚ ଖେଳିବାର ସୁଯୋଗ ପାଇନଥିଲେ ମିତାଲି। ସେଥିପାଇଁ 50 ଲକ୍ଷ ବର୍ଗରେ ମିତାଲିଙ୍କୁ ସ୍ଥାନ ମିଳିନାହିଁ।
ଟି20 କ୍ୟାପଟେନ ହରମନପ୍ରିତ କୌର ନିଜର ପୂର୍ବ ସ୍ଥାନ A ଗ୍ରେଡକୁ ରକ୍ଷା କରିପାରିଛନ୍ତି। ଅନ୍ୟପଟେ ପ୍ରଥମ ଥର ପାଇଁ ବିସିସିଆଇ କେନ୍ଦ୍ରୀୟ ଚୁକ୍ତିରେ ସାମିଲ ହୋଇଛନ୍ତି 15 ବର୍ଷୀୟ ଓପନର ଶେଫାଳୀ ବର୍ମା ଓ ହାର୍ଲିନ ଦିଓଲ।
ନଜର ପକାନ୍ତୁ ବିସିସିଆଇ ମହିଳା କ୍ରିକେଟର କେନ୍ଦ୍ରୀୟ ଚୁକ୍ତି ତାଲିକା ଉପରେ:
ଗ୍ରେଡ A(50 ଲକ୍ଷ): ହରମନପ୍ରିତ କୌର, ସ୍ମୃତି ମାନ୍ଧାନା, ପୁନମ ଯାଦବ ।
ଗ୍ରେଡ B(30 ଲକ୍ଷ): ମିତାଲି ରାଜ, ଝୁଲଣ ଗୋସ୍ବାମୀ, ଏକତା ବିଷ୍ଟ, ଜେମିମା ରୋଡ୍ରିଗ୍ୟୁସ, ଦିପ୍ତୀ ଶର୍ମା।
ଗ୍ରେଡ C(10 ଲକ୍ଷ): ବେଡା କ୍ରୀଷ୍ଣାମୂର୍ତ୍ତୀ, ପୁନମ ରାଓତ, ଅନୁଜା ପାଟିଲ, ମାନସୀ ଜୋଷୀ, ଡି ହେମଲତା, ଅରୁନ୍ଧତୀ ରେଡ୍ଡି, ରାଜେଶ୍ବରୀ ଗାଏକୱାର୍ଡ, ପୂଜା ବସ୍ତ୍ରକର, ହରଲିନ ଦିଓଲ, ପ୍ରିୟା ପୁନିଆ, ଶେଫାଳୀ ବର୍ମା।
