ଲାହୋର: ରନମେସିନ୍ ବିରାଟ କୋହଲିଙ୍କୁ ଆଉଟ କରିବାକୁ ବିଶ୍ବର ସମସ୍ତ ବୋଲର ସଂଘର୍ଷ କରୁଥିବା ବେଳେ ପାକିସ୍ତାନର ପୂର୍ବତନ ସ୍ପିଡଷ୍ଟାର ଶୋଏବ ଅଖତର ବିଶ୍ବାସ କରନ୍ତି ଯେ ଭାରତ ଅଧିନାୟକଙ୍କୁ ଶୀଘ୍ର ଆଉଟ କରିପାରିବେ । ତାଙ୍କ ପଖାରେ କୋହଲିଙ୍କୁ ଆଉଟ କରିବାର ଅସ୍ତ୍ର ରହିଛି ବୋଲି ସେ କହିଛନ୍ତି ।
ଇନଷ୍ଟାଗ୍ରାମ ଲାଇଭ ଭିଡିଓରେ ଅଖତର ପ୍ରକାଶ କରିଛନ୍ତି ଯେ, ଯଦି ସେ କୋହଲିଙ୍କୁ ବୋଲିଂ କରିନ୍ତି । ତେବେ ସେ କୋହଲିଙ୍କୁ ଶୀଘ୍ର ପାଭିଲିଅନ ପଠାଇ ପାରିବେ । ରାୱଲପିଣ୍ଡି ଏକ୍ସପ୍ରେସ କହିଛନ୍ତି, "ଯଦି ମୁଁ ବୋଲିଂ କରେ, ତେବେ ମୁଁ ତାଙ୍କୁ ୟର୍କର ବଲ ପକାଇବି ଓ ତାଙ୍କୁ ଡ୍ରାଇଭ ସର୍ଟ ଖେଳିବରୁ ଦୂରେଇ ରଖିବି । ଯଦି ଏହା କାମ ନ କଲା । ମୁଁ 150 କିମି ବେଗରେ ତାଙ୍କୁ ବଲ ପକାଇବି ଓ ତାଙ୍କୁ ଆଉଟ କରିଦେବି ।" ଅଖତର ନିକଟ ଅତୀତରେ କହିଥିଲେ ଯେ ଭାରତ ଏବଂ ପାକିସ୍ତାନ ଏକାଠି ହେବା ଉଚିତ । ପାଣ୍ଠି ସଂଗ୍ରହ ତଥା କୋରୋନା ଭାଇରସ ରୋଗର ମୁକାବିଲା ପାଇଁ ଏକ ସିରିଜ୍ ଖେଳିବା ଉଚିତ୍ ।
ଯାହାର ଉତ୍ତରରେ ଭାରତର ପୂର୍ବତନ ଅଧିନାୟକ ସୁନୀଲ ଗାଭାସ୍କର ଅଖତରଙ୍କୁ କଟାକ୍ଷ କରିଥିଲେ । ଗାଭାସ୍କର କହିଥିଲେ, ଲାହୋରରେ ତୁଷାରପାତର ହେବାର ସମ୍ଭାବନା ଯାହା । ବର୍ତ୍ତମାନ ପରିସ୍ଥିତିରେ ଭାରତ-ପାକିସ୍ତାନ ସିରିଜ ଖେଳାଳିଯିବା କଥା ଚିନ୍ତା କରିବା ତାହା । ଆଉ ଯାହାର ଉତ୍ତରରେ ଅଖତର କହିଛନ୍ତି ଯେ ଗତ ବର୍ଷ ଲାହୋରରେ ତୁଷାରପାତ ହୋଇଥିଲା।
