ମୁମ୍ବାଇ: ଆଇପିଏଲରେ ଏପର୍ଯ୍ୟନ୍ତ ଖାତା ଖୋଲିନି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର । ଶତ ଚେଷ୍ଟା ପରେ ମଧ୍ୟ କାମ କରୁନି କୌଣସି ରଣନୀତି । ଆଉ ଏହାକୁ ନେଇ ଏବେ ମୁହଁ ଖୋଲିଛନ୍ତି ଦଳର ଅଧିନାୟକ ବିରାଟ କୋହଲି ।
ନିକଟରେ ଗୋଟିଏ ଇଣ୍ଟରଭ୍ୟୁରେ ବିରାଟ କହିଛନ୍ତି, ଏତେ ଖରାପ ପ୍ରଦର୍ଶନ ପରେ ଆମେ ପଏଣ୍ଟ ଟେବୁଲ୍ରେ ଯେଉଁଠି ରହିଛେ, ସେଠାରେ ରହିବାକୁ ଯୋଗ୍ୟ ।
ମ୍ୟାଚ ପରେ ବିରାଟ କହିଥିଲେ, ଏଥିରେ କୌଣସି ସନ୍ଦେହ ନାହିଁ ଯେ, ଆମେ ଶେଷ ଚାରି ଓଭରରେ ଖୁବ୍ ଖରାପ ପ୍ରଦର୍ଶନ କରିଛୁ । ଆମକୁ ଆହୁରି ସଚେତନତାର ସହ ବୋଲିଂ କରିବାର ଥିଲା । ଆମେ ଚାପରେ ଖେଳିଥିଲୁ ।
ସେ ଆହୁରି ମଧ୍ୟ କହିଥିଲେ, ସାହସ ଏବଂ ଉପଯୁକ୍ତ ବୁଦ୍ଧିର ବ୍ୟବହାର ନକରାଗଲେ ରସେଲଙ୍କ ଭଳି ବ୍ୟାଟ୍ସମ୍ୟାନଙ୍କୁ ଆଉଟ କରିବା କଷ୍ଟକର ନିଶ୍ଚୟ । ଆମେ ଆଗକୁ ଯାଇ ନିଜ ବୋଲିଂକୁ ଅଧିକ ସୁଦୃଢ କରିବାକୁ ଚେଷ୍ଟା କରିବୁ ।
ଏଠାରେ ସୂଚନାଯୋଗ୍ୟ,ଗତ ମ୍ୟାଚରେ ପ୍ରଥମେ ବ୍ୟାଟିଙ୍ଗ୍ କରି ଆରସିବି 205 ରନ୍ ସଂଗ୍ରହ କରିଥିଲା । କିନ୍ତୁ ରସେଲଙ୍କ ଧୁଆଁଧାର ବ୍ୟାଟିଙ୍ଗ କାରଣରୁ କୋଲକତା ଶେଷ 24ଟି ବଲ୍ରେ 66 ରନ୍ କରି ବିଜୟ ହାସଲ କରିଥିଲା ।
