ନୂଆଦିଲ୍ଲୀ: ଭାରତୀୟ କ୍ରିକେଟ ଆସୋସିଏସନକୁ ପ୍ରଶଂସାର ସୁଅ ଛୁଟିବାରେ ଲାଗିଛି । ଭେଟେରାନ କପିଳ ଦେବ, ସୁନୀଲ ଗାଭାସ୍କର ଓ ମହମ୍ମଦ ଆଝାରୁଦ୍ଦିନ ଆସୋସିଏସନକୁ ପ୍ରଶଂସାରେ ଶତମୁଖ ହୋଇଛନ୍ତି ।
ମହାମାରୀ କୋରୋନା ଭାଇରସ କ୍ରିକେଟରଙ୍କ ଜୀବନ ଜୀବିକା ଓ କ୍ୟାରିୟରକୁ ପ୍ରଭାବିତ କରିଛି । ସେଥିପାଇଁ ବିସିସିଆଇ ପକ୍ଷରୁ କୌଣସି ପେନସନ ପାଉନଥିବା କିମ୍ବା ଅନ୍ୟ କୌଣସି ରୋଜଗାରର ଉତ୍ସ ନଥିବା ପୂର୍ବତନ କ୍ରିକେଟରଙ୍କୁ ସହାୟତାର ହାତ ବଢାଇଛି ଭାରତୀୟ କ୍ରିକେଟ ଆସୋସିଏସନ(ICA) ।
ଆସୋସିଏସନର ଏହି କାର୍ଯ୍ୟକୁ ଗୌତମ ଗମ୍ଭୀର, ଗୁଣ୍ଡାପ୍ପା ବିଶ୍ବନାଥ, ସୁନୀଲ ଗାଭାସ୍କର, ମହମ୍ମଦ ଆଝାରୁଦ୍ଦିନ, କପିଳ ଦେବଙ୍କ ଭଳି ମହାନ ଭାରତୀୟ ପୂର୍ବତନ କ୍ରିକେଟର ପ୍ରଶଂସା କରିଛନ୍ତି । ଏନେଇ ଆସୋସିଏସନର ମୁଖ୍ୟ ପୂର୍ବତନ ଭାରତୀୟ କ୍ରିକେଟର ଆକାଶ ମାଲହୋତ୍ରା ସୂଚନା ଦେଇଛନ୍ତି ।
