ନୂଆଦିଲ୍ଲୀ: ଭାରତୀୟ କିମ୍ବଦନ୍ତୀ କ୍ରିକେଟର କପିଲ ଦେବଙ୍କୁ ପୂରିଲା 61 ବର୍ଷ । 1983ରେ ଭାରତ ପ୍ରଥମ ବିଶ୍ବକପ ବିଜୟୀ ପଛର ହିରୋଥିଲେ କପିଲ ଦେବ । ତେବେ ତାଙ୍କ ଜନ୍ମଦିନ ପାଇଁ କ୍ରୀଡା ଜଗତରୁ ଶୁଭେଚ୍ଛାର ସୁଅ ଛୁଟିଛି । ଏଥି ସହ କପିଲଙ୍କ ଜୀବନୀ ଉପରେ ଆଧାରିତ ଫିଲ୍ମ "83"ର ଷ୍ଟାର ରଣବୀର ସିଂ କପିଲଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ସେହିପରି କଂଗ୍ରେସ ସାଂସଦ ଶଶୀ ଥରୁର୍ ମଧ୍ୟ ଟ୍ବିଟ କରି କପିଲଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି" ଜଣେ ମହାନ ଖେଳାଳି, ସେ ଯେତେବେଳେ ପଡିଆକୁ ଆସନ୍ତି କ୍ରିକେଟ ଦେଖିବା ପାଇଁ ଆମର ଉତ୍ସାହ ଅଧିକ ବଢିଯାଏ" । ସେହିପରି ଭାରତୀୟ ପୂର୍ବତନ ଖେଳାଳି ଭିଭିଏସ ଲକ୍ଷ୍ମଣ, ମହମ୍ମଦ କୈଫ, ବିଶନ ବେଦୀ ପ୍ରମୁଖ କପିଲଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଅନ୍ୟପଟେ ବିସିସିଆଇ ନିଜ ଟ୍ବିଟର ହ୍ୟାଣ୍ଡେଲରେ ଟ୍ବିଟ କରି କପିଲଙ୍କୁ ଶୁଭେଚ୍ଛା ଜଣାଇଛି । ସେଥିରେ ଲେଖାଯାଇଛି, ଭାରତୀୟ କ୍ରିକେଟର ସର୍ବଶ୍ରେଷ୍ଠ ଅଲରାଉଣ୍ଡର ତଥା ପ୍ରଥମ ବିଶ୍ବକପ ବିଜୟୀ ଅଧିନାୟକଙ୍କୁ ଜନ୍ମଦିନର ଅନେକ ଅନେକ ଶୁଭେଚ୍ଛା ଓ ଶୁଭକାମନା ।
