ଚଣ୍ଡିଗଡ: ହରିଆଣାର ସୋନପେଟଠାରେ ଖୋଲିଥିବା କ୍ରୀଡା ବିଶ୍ବବିଦ୍ୟଳୟର ପ୍ରଥମ କୁଳପତି ହେବେ କିମ୍ବଦନ୍ତୀ କ୍ରିକେଟର କପିଳ ଦେବ । ଏନେଇ ରାଜ୍ୟ କ୍ରୀଡାମନ୍ତ୍ରୀ ସୂଚନା ଦେଇଛନ୍ତି । ତେବେ ଦେଶରେ ରହିଥିବା 4ଟି କ୍ରୀଡା ବିଶ୍ବବିଦ୍ୟାଳୟରେ ପ୍ରଥମ ଥର ପାଇଁ କୌଣସି କ୍ରିକେଟର କୁଳପତି ହେବାର ସୁଯୋଗ ହାସଲ କରିଛନ୍ତି ।
ତେବେ 1983 ବିଶ୍ବକପ ବିଜୟୀ ଅଧିନାୟକ କପିଳ ଦେବଙ୍କ ନାମ ଏହି ପଦ ପାଇଁ ପ୍ରଥମରୁ ଚର୍ଚ୍ଚା ଦେଉଥିଲା । ଆଉ ସବୁ କଳ୍ପନା-ଜଳ୍ପନାର ଅନ୍ତ ଘଟି ଶେଷରେ କପିଳ ଏହି ପଦରେ ନିଯୁକ୍ତ ହୋଇଛନ୍ତି । ଉଲ୍ଲେଖଥାଉ କି, ହରିଆଣାର ରାଜଧାନୀ ଚଣ୍ଡିଗଡରେ ଜନ୍ମିତ କପିଳ ଦେବ ହରିଆଣାର ହରିକେନ ନାମରେ ପରିଚିତ ।
ତେବେ ସୋନପେଟ ଜିଲ୍ଲାର ରାଇ ଗ୍ରାମରେ ରହିଛି ଏହି ସ୍ପୋର୍ଟ ୟୁନିଭରସିଟି । ଏହା ପୂର୍ବରୁ ଏହା ଏକ ସ୍ପୋର୍ଟ ସ୍କୁଲ ରହିଥିଲା । ଯାହାକୁ ବଦଲାଯାଇ ସ୍ପୋର୍ଟ ୟୁନିଭରସିଟି କରାଯାଇଛି ।
ବ୍ୟୁରୋ ଇନପୁଟ୍, ଇଟିଭି ଭାରତ
