ହାଇଦ୍ରାବାଦ: ସଚିନ, ଦ୍ରାବିଡ଼, ଯୁବରାଜ, ଧୋନି, ସେହୱାଗ, ଗମ୍ଭୀର ଆଦି ଖେଳାଳିଙ୍କ ପରେ ଏବେ ମହମ୍ମଦ କୈଫଙ୍କୁ ଟ୍ରିବ୍ୟୁଟ ଦେଇଛନ୍ତି ଭିଭିଏସ ଲକ୍ଷ୍ମଣ । କୈଫଙ୍କୁ ନେଇ ଲକ୍ଷ୍ମଣ କହିଛନ୍ତି ଯେ ତାଙ୍କର ବିଚକ୍ଷଣ ଫିଲ୍ଡିଂ ଅନ୍ୟମାନଙ୍କ ପାଇଁ ଏକ ମାନଦଣ୍ଡ ଠିଆ କରିଥିଲା ।
ଉତ୍ତର ପ୍ରଦେଶରୁ ଆସି 2000ରୁ 2006 ମସହା ପର୍ଯ୍ୟନ୍ତ ଖେଳିଥିଲେ କୈଫ । ଯେଉଁଥିରେ ସାମିଲ ଥିଲା 13 ଟେଷ୍ଟ ଓ 125 ଦିନିକିଆ ।
2002ରେ ଇଂଲଣ୍ଡ ସିରିଜ ବେଳେ କୈଫ ସମସ୍ତଙ୍କ ନଜରକୁ ଆସିଥିଲେ ଯେତେବେଳେ ତାଙ୍କର 87ରନର ଅବିସ୍ମରଣୀୟ ଇନିଂସ ବଳରେ ଭାରତ 326 ରନ ଟାର୍ଗେଟକୁ ଚେସ୍ କରିବାରେ ସକ୍ଷମ ହୋଇଥିଲା ଏବଂ ଲର୍ଡ୍ସ ମାଟିରେ ଇଂଲଣ୍ଡକୁ ଭାରତ ପରାଜିତ କରିଥିଲା ।
କୈଫଙ୍କୁ ନେଇ ଲକ୍ଷ୍ମଣ ଟ୍ବିଟ କରି ଲେଖିଛନ୍ତି, ‘‘ମହମ୍ମଦ କୈଫ ପରବର୍ତୀ ପୀଢିଙ୍କୁ ଉଚ୍ଚ ସ୍ତରର ଖେଳ ପାଇଁ ପ୍ରେରଣା ଦେଇଥିଲେ । ତାଙ୍କର ବିଚକ୍ଷଣ ଫିଲ୍ଡିଂ ଅନେକ ଖେଳାଳିଙ୍କ ପାଇଁ ଏକ ମାନଦଣ୍ଡ ଠିଆ କରିଥିଲା, ଯାହା ସେମାନେ ହାସଲ କରିବାକୁ ଚାହୁଁଥିଲେ ।’’
କୈଫ ତାଙ୍କର ସୁପର ଫିଲ୍ଡିଂ ପାଇଁ ଜଣାଶୁଣା । ଯଦିଓ ଆଇସିସି ଚାମ୍ପିଅନ୍ସ ଟ୍ରଫିରେ ଜିମ୍ବାୱେ ବିପକ୍ଷ ଶତକ ପରେ କ୍ରମାଗତ ଭାବେ ସ୍କୋର କରିବାରେ ବିଫଳ ହୋଇଥିଲେ ତଥାପି ସେ ଭାରତ ପାଇଁ କ୍ରିକେଟ ଖେଳିଥିବା ସର୍ବୋତ୍ତମ ଫିଲ୍ଡରଙ୍କ ମଧ୍ୟରେ ଆଜିବି ପରିଗଣିତ ହୋଇଥାନ୍ତି ।
ନିକଟରେ କୈଫ କହିଛନ୍ତି ଯେ ଫିଲ୍ଡିଂ ବିଷୟରେ ବିରାଟ କୋହଲିଙ୍କ ନେତୃତ୍ବରେ ବର୍ତ୍ତମାନର ଦଳରେ ରବିନ୍ଦ୍ର ଜାଡେଜା ଠିକ୍ ଅଛନ୍ତି । ଏଥିସହ ଦଳର ସମ୍ପୂର୍ଣ୍ଣ ଫିଲ୍ଡିଂରେ ଅଭାବ ରହିଛି ।
@IANS
