ନୂଆଦିଲ୍ଲୀ: ଭାରତୀୟ କ୍ରିକେଟ ବୋର୍ଡର ସିଇଓ ରାହୁଲ ଜୋହରୀ ଏପ୍ରିଲରେ ପେପର କ’ଣ ରିପୋର୍ଟ କରିଛି ତାହା ସ୍ପଷ୍ଟ କରିଛନ୍ତି: ମୌସୁମୀ ପରେ ଭାରତୀୟ ଏବଂ ଅନ୍ତର୍ଜାତୀୟ ଖେଳାଳିଙ୍କ ସହ ଇଣ୍ଡିଆନ ପ୍ରିମିୟର ଲିଗ (ଆଇପିଏଲ) ଆୟୋଜନ କରିବାର ଯୋଜନା ରହିଛି ।
ଏହା ଅବଶ୍ୟ ଅକ୍ଟୋବର 18ରୁ ନଭେମ୍ବର 15 ମଧ୍ୟରେ ଧାର୍ଯ୍ୟ ହୋଇଥିବା ବିଶ୍ବ ଟି-20 ଉପରେ ନିର୍ଭର କରେ, କୋଭିଡ -19 କାରଣରୁ ଅଷ୍ଟ୍ରେଲିଆ ଏହାକୁ ସ୍ଥଗିତ ରଖିଛି । ମେ 28ରେ ଯେତେବେଳେ ଅନ୍ତର୍ଜାତୀୟ କ୍ରିକେଟ ପରିଷଦର(ICC) ବୋର୍ଡ ବୈଠକ ହେବ ସେତେବେଳେ ଏନେଇ ନିଷ୍ପତ୍ତି ହେବା ନେଇ ଆଶା କରାଯାଉଛି ।
“ଆଇପିଏଲରେ ସବୁଠାରୁ ଅଧିକ ଲୋକ ଜୋଡି ହୋଇଥାନ୍ତି । ସାଧାରଣ ନିର୍ବାଚନରେ ଭୋଟ ଦେଇଥିବା ଲୋକଙ୍କ ତୁଳନାରେ ଗତ ବର୍ଷ ଆଇପିଏଲ ଅଧିକ ଲୋକ ଦେଖିଥିଲେ । ପ୍ରଯୋଜକମାନଙ୍କ ପାଇଁ କ୍ରିକେଟ ଏକ ଲିଡର ଏବଂ ଏହା ବାଟ ଦେଖାଇବ,’’ ବୋଲି ଟିସିଏମ ସ୍ପୋର୍ଟସ ହଡଲ ୱେବିନାରରେ ଜୋହରୀ କହିଛନ୍ତି ।
“ଆଇପିଏଲର ସ୍ବାଦ ହେଉଛି ଭିନ୍ନ, ଦୁନିଆର ଶ୍ରେଷ୍ଠ ଖେଳାଳିମାନେ ଆସି ଖେଳନ୍ତି ଏବଂ ସେହି ପ୍ରବାହକୁ ବଜାୟ ରଖିବା ପାଇଁ ସମସ୍ତେ ପ୍ରତିବଦ୍ଧ । କିନ୍ତୁ ଏହା ଏକ ପର୍ଯ୍ୟାୟ ପ୍ରକ୍ରିୟା । ପରିସ୍ଥିତି ଯେ ଆସନ୍ତାକାଲି ସ୍ବଭାବିକ ତାହା ଆଶା କରିବା ଭୁଲ । ଜୋହରୀ କହିଛନ୍ତି ଯେ ଖେଳାଳିଙ୍କ ଅଂଶଗ୍ରହଣ କରିବା କିମ୍ବା ନକରିବା ନିଷ୍ପତ୍ତିକୁ ସମ୍ମାନ ଦିଆଯିବ ।
ତେବେ ମେ 17ର ଗାଇଡଲାଇନ ଅନୁସାରେ ବିନା ଦର୍ଶକରେ ଷ୍ଟାଡିଅମ ଖୋଲାଯିବାର ଅନୁମତି ପରେ ସ୍ଥିଗିତ ଥିବା ଆଇପିଏଲର 13ତମ ସଂସ୍କରଣ ଆୟୋଜନ କରାଯିବ କି ବୋଲି ପଚରାଯିବାରୁ, ଜୋହରୀ କହିଛନ୍ତି, “ଆମକୁ ସରକାରୀ ନିର୍ଦ୍ଦେଶାବଳୀ ଅନୁଯାୟୀ ପରିଚାଳିତ ହେବାକୁ ପଡିବ । ଆମ ଆଡଭାଇଜକୀ ଅନୁସାରେ: ପରବର୍ତ୍ତୀ ବିଜ୍ଞପ୍ତି ପର୍ଯ୍ୟନ୍ତ ଆଇପିଏଲ୍ ସ୍ଥଗିତ ରହିଛି । ଆମେ ବିଭିନ୍ନ ଏଜେନ୍ସି ସହିତ ଜଡିତ ରହିଛୁ । ଲକଡାଉନ ଶେଷ ହେବା ପରେ ମୌସୁମୀ ଆସିଯିବ । ମୌସୁମୀ ପରେ କ୍ରିକେଟ ଆରମ୍ଭ କରାଯାଇପାରିବ । ସେତେବେଳକୁ ଆଶା କରୁଛି ଯେ ପରିସ୍ଥିତିରେ ସୁଧାର ଆସିଥିବ।”
ଜୋହରୀ ଅକ୍ଟୋବର-ନଭେମ୍ବରରେ ମଧ୍ୟ ଆଇପିଏଲ ଆୟୋଜନ ସହଜ ହେବ ନାହିଁ ବୋଲି ସ୍ବୀକାର କରିଛନ୍ତି । “ଯେତେବେଳେ ବିମାନ ଉଡ଼ାଣ ଆରମ୍ଭ ହେବ, ଖେଳିବା ପୂର୍ବରୁ ସମସ୍ତଙ୍କୁ ନିଜକୁ କ୍ବାରେଣ୍ଟାଇନ କରିବାକୁ ପଡିବ । ଆମକୁ ଏହା ଦେଖିବାକୁ ପଡିବ ଯେ ଏହା କିପରି କାର୍ଯ୍ୟସୂଚୀ ଉପରେ ପ୍ରଭାବ ପକାଇବ, କାରଣ ସିଡ୍ୟୁଲ ଆଗରୁ ହିଁ ବ୍ୟସ୍ତ ରହିଛି । ଚିନ୍ତା କରନ୍ତୁ ଯେ ଅଭ୍ୟାସ ପୂର୍ବରୁ ଆପଣଙ୍କୁ 14 ଦିନିଆ କ୍ବାରେଣ୍ଟାଇନ କରିବାକୁ ହେବ । ତେଣୁ ଅନେକ କଥା ରହିଛି । ତଥାପି ଆମେ ଆଶାବାଦୀ । ଆଶା କରୁଛି, ମୌସୁମୀ ପରେ ସ୍ଥିତିରେ ସୁଧାର ଆସିବ ଏବଂ ଆମେ ସେତେବେଳେ ଏହା ବିଷୟରେ ନିଷ୍ପତ୍ତି ନେବୁ ।’’
ଦର୍ଶକ ବିନା ଆଇପିଏଲ ବିଷୟରେ ପଚରାଯିବା ବେଳେ ଜୋହରୀ କହିଛନ୍ତି, “ଏହା କେବଳ ଆଇପିଏଲରେ ନୁହେଁ ଆନ୍ତର୍ଜାତୀୟ କ୍ରିକେଟ ମଧ୍ୟ ହେବ । ଯଦିଓ ଏହା (ଗେଟ୍ ରସିଦ) ଆମ ରାଜସ୍ବର ଅଳ୍ପ ପ୍ରତିଶତ ଦେଇଥାଏ, ଏହା ଗୁରୁତ୍ବପୂର୍ଣ୍ଣ କାରଣ ଏହାର ଅଧିକାଂଶ ଅଂଶ ଷ୍ଟାଡିୟମର ରକ୍ଷଣାବେକ୍ଷଣରେ ଖର୍ଚ୍ଚ ହୁଏ । ତଥାପି, ସ୍ବଭାବିକ ଅବସ୍ଥାକୁ ଫେରିବା ପୂର୍ବରୁ, ଆମକୁ ସ୍ବଳ୍ପ ସମୟ ପାଇଁ ବିନା ଦର୍ଶକରେ ଖେଳିବାକୁ ହେବ ।”
