ଚେନ୍ନାଇ: ଇଣ୍ଡିଆନ ପ୍ରିମିୟର ଲିଗ(ଆଇପିଏଲ)ର 2021 ସଂସ୍କରଣ ପାଇଁ ଗୁରୁବାର ଚେନ୍ନାଇରେ ଖେଳାଳି ନିଲାମି ପ୍ରକ୍ରିୟା ଜାରି ରହିଛି । ଅନକ୍ୟାପ୍ ଖେଳାଳି ଶାହାରୁଖ ଖାନଙ୍କୁ ପଞ୍ଜାବ 5.25 କୋଟିରେ କିଣିଛି ।
ସଦ୍ୟ ସମାପ୍ତ ହୋଇଥିବା ବିସିସିଆଇର ସୟଦ ମୁସ୍ତାକ ଅଲୀ ଟି20ରେ ତାମିଲନାଡୁ ଅଲରାଉଣ୍ଡର ଶାହାରୁଖ ପ୍ରଦର୍ଶନରେ ସମସ୍ତଙ୍କୁ ପ୍ରଭାବିତ କରିଥିଲେ। ତାଙ୍କର ବେସ୍ ପ୍ରାଇସ 20 ଲକ୍ଷ ଟଙ୍କା ରହିଥିଲା ।
ଅନ୍ୟପଟେ ସଚିନ ବେବିଙ୍କୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବେସ୍ ପ୍ରାଇସ 20 ଲକ୍ଷରେ କିଣିଛି । ସେହିପରି ଅଲରାଉଣ୍ଡର ରିପଲ ପଟେଲଙ୍କୁ ଦିଲ୍ଲୀ କ୍ୟାପିଟାଲ୍ସ 20 ଲକ୍ଷରେ କିଣିଛି ।
ତେବେ ଅନକ୍ୟାପ୍ ଖେଳାଳି କେସ ଅହମ୍ମଦ, ହିମାଂଶୁ ରାଣା, ରାହୁଲ ଗେହଲଟ, ହିମ୍ମତ ସିଂହ, ବିଷ୍ଣୁ ସୋଲାଙ୍କି ଓ ଅତୀତ ସିଂଙ୍କୁ କୌଣସି ଫ୍ରଞ୍ଚାଇଜ କିଣିନାହାଁନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
