ମୁମ୍ବାଇ: ଚେନ୍ନାଇ ସୁପର କିଙ୍ଗ୍ସଙ୍କୁ ନେଇ ବ୍ୟାଟିଂ କୋଚ ମାଇକେଲ ହସିଙ୍କ ବଡ ବୟାନ । ଇଣ୍ଡିଆନ ପ୍ରିମିୟର ଲିଗର 2021 ସଂସ୍କରଣରେ ସିଏସକେ ଏକ ସନ୍ତୁଳିତ ଦଳ ବୋଲି କହିଛନ୍ତି ହସି ।
ଆଇପିଏଲ 2021 ନିଲାମରେ ସିଏସକେ 6ଜଣ ଖେଳାଳିଙ୍କୁ କିଣିଥିଲା । ଅଫ-ସ୍ପିନ ଅଲରାଉଣ୍ଡର ମୋଇନ ଅଲୀ ଓ କ୍ରୀଷ୍ଣାପ୍ପା ଗୌତମ ଓ ରବିନ ଉଥାପ୍ପାଙ୍କୁ ଦଳରେ ସାମିଲ କରିଥିଲା ଫ୍ରାଞ୍ଜାଇଜ ।
ଚେନ୍ନାଇ ସୁପର କିଙ୍ଗ୍ସ ବର୍ତ୍ତମାନ ମୁମ୍ବାଇରେ ଅଭ୍ୟାସ ଚଳାଇଛି । ଏପ୍ରିଲ 10ରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ପ୍ରଥମ ମ୍ୟାଚ ଖେଳି ଆଇପିଏଲ 14 ଅଭିଯାନ ଆରମ୍ଭ କରିବ ଚେନ୍ନାଇ ।
ଆଇପିଏଲ ଟୁର୍ଣ୍ଣାମେଣ୍ଟ ଇତିହାସରେ ସିଏସକେ ସର୍ବାଧିକ ସ୍ଥିର ପ୍ରଦର୍ଶନ କରିଥିବା ଦଳ ରହିଛି । ଖେଳିଥିବା 11ଟି ସଂସ୍କରଣ ମଧ୍ୟରୁ 10ରେ ପ୍ଲେ-ଅଫରେ ପ୍ରବେଶ କରିଛି । 8ଥର ଫାଇନାଲ ଖେଳିଛି ଓ 3ଥର ଚମ୍ପିଆନ ହେବା ସହ ଟ୍ରଫି ନିଜ ନାମରେ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
