ଶାରଜାହ: ଆଇପିଏଲର 52ତମ ମ୍ୟାଚ ରୟାଲ୍ସ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯାଉଛି । ଟସ ଜିତି ସନରାଇଜର୍ସ ହାଇଦ୍ରାବାଦ କ୍ୟାପଟେନ ଡେଭିଡ ୱାର୍ଣ୍ଣର ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି ।
ଉଭୟ ଟିମର ଚୂଡାନ୍ତ ଏକାଦଶରେ ପରିବର୍ତ୍ତନ ହୋଇଛି । ଶିବମ ଦୁବେ ଓ ଡେଲ ଷ୍ଟେନଙ୍କ ସ୍ଥାନରେ ଆରସିବି ଚୂଡାନ୍ତ ଏକାଦଶକୁ ଫେରିଛନ୍ତି ନବଦୀପ ସାଇନି ଓ ଇସୁରୁ ଉଦ୍ଦାନା । ସେହିପରି ବିଜୟ ଶଙ୍କରଙ୍କୁ ଚୂଡାନ୍ତ ଏକାଦଶରୁ ବାଦ ଦେଇଛି ହାଇଦ୍ରାବାଦ ।
ଲଗାତାର ଦୁଇଟି ପରାଜୟ ହାଇଦ୍ରାବାଦ ବିପକ୍ଷରେ ନିଶ୍ଚିନ୍ତ ବିଜୟ ଲକ୍ଷ୍ୟ ସହ ମଇଦାନକୁ ଓହ୍ଲାଇବ ବିରାଟ କୋହଲିଙ୍କ ଆରସିବି । ଏହି ମ୍ୟାଚରେ ବିଜୟୀ ହେଲେ ଆରସିବି ପ୍ଳେ-ଅଫରେ ପ୍ରବେଶ କରିବ । ମୋଟ 14 ପଏଣ୍ଟ ସହ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହିଛି ବାଙ୍ଗାଲୋର । ଅନ୍ୟପଟେ ସନରାଇଜର୍ସ ହାଇଦ୍ରାବାଦ ଅବଶିଷ୍ଟ ଦୁଇଟି ମ୍ୟାଚରେ ବିଜୟ ସହ, ପ୍ଲେ-ଅଫ ପ୍ରବେଶ ପାଇଁ ଭାଗ୍ୟ ସାଥ ଦେବା ଅପେକ୍ଷାରେ ରହିଛି ।
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଚୂଡାନ୍ତ ଏକାଦଶ): ଜସ ଫିଲିପ, ଦେବଦତ୍ତ ପାଦିକ୍କଲ, ବିରାଟ କୋହଲି(କ୍ୟାପଟେନ), ଏବି ଡି ଭିଲିୟର୍ସ(ୱିକେଟ କିପର), ଗୁରୁକିରଟ ସିଂ ମନ, ୱାସିଂଟନ ସୁନ୍ଦର, କ୍ରିସ ମୋରିସ, ଇସୁରୁ ଉଦ୍ଦାନା, ମହମ୍ମଦ ସିରାଜ, ନବଦୀପ ସାଇନି, ୟୁଜଭେନ୍ଦ୍ର ଚହଲ ।
ସନରାଇଜର୍ସ ହାଇଦ୍ରାବାଦ (ଚୂଡାନ୍ତ ଏକାଦଶ): ଡେଭିଡ ୱାର୍ଣ୍ଣର(କ୍ୟାପଟେନ), ରିଦ୍ଧିମାନ ଶାହା(ୱିକେଟ କିପର), ମନିଷ ପାଣ୍ଡେ, କେନ ୱିଲିୟମସନ, ଅବଦୁଲ ସମାଦ, ଜେସନ ହୋଲ୍ଡର, ଅଭିଷେକ ଶର୍ମା, ରସିଦ ଖାନ, ଶାହବାଜ ନଦୀମ, ସନ୍ଦୀପ ଶର୍ମା, ଟି.ନଟରାଜନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
