ଆବୁଧାବି: ଆଜି ଖେଳାଯାଉଛି ଆଇପିଏଲ 2020ର 11ତମ ମ୍ୟାଚ । ପୂର୍ବ ଦୁଇଟି ମ୍ୟାଚରେ ବିଜୟୀ ହୋଇଥିବା ଦିଲ୍ଲୀ କ୍ୟାପିଟାଲ୍ସକୁ ସହ ପ୍ରଥମ ବିଜୟ ଅପେକ୍ଷାରେ ଥିବା ସନରାଇଜର୍ସ ହାଇଦ୍ରାବାଦର ମୁକାବିଲା ରହିଛି ।
ପଏଣ୍ଟ ଟେବୁଲର ଶୀର୍ଷରେ ରହିଛି ଦିଲ୍ଲୀ କ୍ୟାପିଟାଲ୍ସ । ସେହିପରି ଦୁଇଟି ମ୍ୟାଚରୁ ଦୁଇଟିରେ ପରାଜୟ ପାଇ ପଏଣ୍ଟ ତାଲିକାର ଶେଷରେ ରହିଛି ୱାର୍ଣ୍ଣରଙ୍କ ହାଇଦ୍ରାବାଦ ।
ଟସ ଜିତି ଦିଲ୍ଲୀ କ୍ୟାପିଟାଲ୍ସ କ୍ୟାପଟେନ ଶ୍ରେୟସ ଆୟର ପ୍ରଥମେ ବୋଲିଂ ନିଷ୍ପତି ନେଇଛନ୍ତି । ଫଳରେ ପ୍ରଥମେ ବ୍ୟାଟି କରିବ ଡେଭିଡ ୱାର୍ଣ୍ଣରଙ୍କ ହାଇଦ୍ରାବାଦ ।
ଦିଲ୍ଲୀ କ୍ୟାପିଟାଲ୍ସର ଚୁଡାନ୍ତ ଏକାଦଶ ପୂର୍ବ ମ୍ୟାଚର ଅପରିବର୍ତ୍ତିତ ଥିବାବେଳେ, ସନରାଇଜର୍ସ ଚୁଡାନ୍ତ ଏକାଦଶରେ ଦୁଇଟି ପରିବର୍ତ୍ତନା ହୋଇଛି । ଜମ୍ମୁ-କାଶ୍ମୀର ଅଲରାଉଣ୍ଡର ଅବଦୁଲ ସମାଦ ଓ ଭେଟେରାନ କେନ ୱିଲିୟମସନ ଦଳରେ ସାମିଲ ହୋଇଛନ୍ତି ।
ଦିଲ୍ଲୀ କ୍ୟାପିଟାଲ୍ସ ଚୁଡାନ୍ତ ଏକାଦଶ: ଶ୍ରେୟସ ଆୟର(କ୍ୟାପଟେନ), ଶିଖର ଧାୱନ, ପୃଥ୍ବୀ ଶ, ସିମ୍ରନ ହେଟମେୟର, ଅମିତ ମିଶ୍ର, ଋଷଭ ପନ୍ତ(ୱିକେଟ କିପର), ମାର୍କସ ଷ୍ଟୋଇନିସ, ଅକ୍ସର ପଟେଲ, ଏ ଖାନ, ଅନରିଚ ନର୍ଟଜେ, କାଗିସୋ ରବାଡା ।
ସନରାଇଜର୍ସ ହାଇଦ୍ରାବାଦ ଚୁଡାନ୍ତ ଏକାଦଶ: ଡେଭିଡ ୱାର୍ଣ୍ଣର, ଜନି ବେୟାରଷ୍ଟୋ, ମନୀଷ ପାଣ୍ଡେ, ପ୍ରିୟମ୍ ଗର୍ଗ, କେନ ୱିଲିୟମସନ, ଅବଦୁଲ ସମାଦ, ଅଭିଷେକ ଶର୍ମା, ରସିଦ ଖାନ, ଭୁବନେଶ୍ବର କୁମାର, ଖଲିଲ ଅହମ୍ମଦ, ଟି ନଟରାଜନ ।
ବ୍ୟୁରୋ ରିିପୋର୍ଟ, ଇଟିଭି ଭାରତ
