ପୋର୍ଟ ଅଫ୍ ସ୍ପେନ: ଅଧିନାୟକ ବିରାଟ କୋହଲି (114*) ଓ ଶ୍ରେୟସ ଅୟର (65)ଙ୍କ ଦମଦାର ପ୍ରଦର୍ଶନ ଫଳରେ ଭାରତ ଓ୍ବେଷ୍ଟଇଣ୍ଡିଜକୁ 6 ଓ୍ବିକେଟରେ ହରାଇ 2-0ରେ ସିରିଜ ନିଜ ନାଁରେ କରନେଇଛି।
ପ୍ରଥମେ ଇଣ୍ଡିଜ ବ୍ୟାଟିଂ କରି ନିର୍ଦ୍ଧାରିତ 35 ଓଭରରେ 7 ଓ୍ବିକେଟ ବିନିମୟରେ 240ରନ୍ ହାସଲ କରିଥିଲା । ତେବେ ଡକ ଓ୍ବର୍ଥ ଲୁଇସ୍ ନିୟମ ଅନୁଯାୟୀ ଭାରତ 255ରନ୍ର ବିଜୟଲକ୍ଷ୍ୟ ଧାର୍ଯ୍ୟ କରାଯାଇଥିଲା । ତେବେ ବିରାଟ ବାହିନୀ 32.3 ଓଭରରେ 4 ଓ୍ବିକେଟ ବିନିମୟରେ ବିଜୟ ହାସଲ କରିଛି ।
ଟିମ ଇଣ୍ଡିଆ ପକ୍ଷରୁ ବିରାଟ କୋହଲି 99ଟି ବଲ୍ରେ 14 ଚୌକା ସହାୟତାରେ 114*ରନ ହାସଲ କରିଛନ୍ତି । ଏହି ସିରିଜରେ କୋହଲିଙ୍କ ଏହା 2ୟ ଶତକ ପାଳି ଥିଲା । ତେବେ ଦିନିକିଆ ସିରିଜରେ ସର୍ବାଧିକ ରନ କରିଥିବା ଅଧିନାୟକ ବିରାଟ କୋହଲିଙ୍କୁ ପ୍ଲେୟାର ଅଫ ଦ ସିରିଜ ଆଓ୍ବାର୍ଡ ମିଳିଛି ।
