ରାଞ୍ଚି: 3ୟ ମ୍ୟାଚ ବିଶିଷ୍ଟ ଭାରତ ବିପକ୍ଷ ଟେଷ୍ଟ ସିରିଜରେ ବିନା ବିଜୟରେ ଦକ୍ଷିଣ ଆଫ୍ରିକା ଯାତ୍ରା ଶେଷ ହେବାକୁ ଯାଉଛି । ପ୍ରଥମ 2ଟି ଟେଷ୍ଟରେ ଭାରତ ବିଜୟୀ ହୋଇ ଆଗୁଆ ସିରିଜ ହାତେଇ ସାରିଛି । ତେବେ ରାଞ୍ଚି ଟେଷ୍ଟର ଆହୁରି 2ଦିନ ଖେଳ ବାକି ଥିବା ବେଳେ, ଦକ୍ଷିଣ ଆଫ୍ରିକାକୁ ବଡ ଝଟକା ଲାଗିଛି ।
ସିରିଜରେ ଦଳ ପକ୍ଷରୁ ଏକମାତ୍ର ଶତକ ହାସଲକାରୀ ଖେଳାଳି ଆହତ ହୋଇ ବାଦ ପଡିଛନ୍ତି । 3ୟ ଦିନ ଖେଳରେ ଚାପାନ ବିରତିର କିଛି ସମୟ ପୂର୍ବରୁ ଉମେଶ ଯାଦବଙ୍କ ଏକ ଘାତକ ବାଉନ୍ସର ଏଲଗରଙ୍କ ହେଲମେଟରେ ଲାଗିଥିଲା । ଫଳରେ ତଳେ ପଡିଯାଇଥିଲେ ଏଲଗର ।
ଆଇସିସିର ନୂଆ ନୀୟମ ଅନୁଯାୟୀ ମ୍ୟାଚ ସମୟରେ କୌଣସି ଖେଳାଳି ଆହତ ହେଲେ ଅଧା ମ୍ୟାଚରୁ ଅନ୍ୟ ଖେଳାଳି ତାଙ୍କ ସ୍ଥାନ ନେଇପାରିବେ । ଫଳରେ ଏଲଗରଙ୍କ ବଦଳ ଖେଳାଳି ଭାବେ ଥ୍ୟୁନିସ ଦି ବ୍ରୁନଙ୍କୁ ଦଳରେ ସାମିଲ କରାଯାଇଛି । ଏନେଇ କ୍ରିକେଟ ଦକ୍ଷିଣ ଆଫ୍ରିକା ପକ୍ଷରୁ ସୂଚନା ମିଳିଛି ।
