କଟକ: ଆଜି ନାଗପୁରରେ ନିର୍ଣ୍ଣାୟକ ଲଢେଇ । ଋଷବ ପନ୍ତଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର । ଲଗାତାର ସିରିଜରେ ଖରାପ ପ୍ରଦର୍ଶନ କରି ଆସୁଛନ୍ତି ପନ୍ତ । ପନ୍ତଙ୍କ ସ୍ଥାନରେ ସଞ୍ଜୁ ସାମସନଙ୍କୁ ଖେଳାଇବା ନେଇ ଜୋରଦାର ଦାବି ।
ନାଗପୁରରେ ଆଜି ଭାରତ-ବାଂଲାଦେଶ ଟି20 ସିରିଜର 3ୟ ଟି20 ମ୍ୟାଚ ଖେଳାଯିବ । 1-1ରେ ସିରିଜ ବରାବର ଥିବା ବେଳେ 3ୟ ଟି20କୁ ଜିତି ଉଭୟ ଦଳ ସିରିଜ ବିଜୟ ଲକ୍ଷ୍ୟରେ ରହିଛନ୍ତି । ଏହା ଭିତରେ ଭାରତୀୟ ଦଳରେ ଚର୍ଚ୍ଚିତ ଚେହେରା ରହିଛନ୍ତି ୱିକେଟକିପର ବ୍ୟାଟ୍ସମ୍ୟାନ ଋଷବ ପନ୍ତ । ସିରିଜରେ ଲାଗାତାର ଖରାପ ପ୍ରଦର୍ଶନ ସତ୍ତ୍ବେ ତାଙ୍କୁ କଣ ପାଇଁ ଏକାଦଶରେ ସାମିଲ କରାଯାଉଛି ବୋଲି ପ୍ରଶ୍ନ କରିଛନ୍ତି କ୍ରିକେଟ ପ୍ରେମୀ ।
ପ୍ରଥମ ମ୍ୟାଚରେ ପନ୍ତ 27 ରନ କରିଥିବା ବେଳେ 2ୟ ମ୍ୟାଚରେ ବ୍ୟାଟିଂ ପାଇ ନଥିଲେ । ଅନ୍ୟପଟେ 2ୟ ମ୍ୟାଚରେ ଖରାପ ୱିକେଟ କିପିଂ ପାଇଁ ମଧ୍ୟ ଟ୍ରୋଲର ଶୀକାର ହୋଇଥିଲେ ପନ୍ତ । ତେବେ ଦେଖିବାକୁ ବାକି ରହିଲା, ଦଳରେ ପନ୍ତ ଯାତ୍ରା କେବେ ଶେଷ ହେଉଛି ।
ବ୍ୟୁରୋ ଇନପୁଟ ସହ କଟକରୁ ପ୍ରଭୁକଲ୍ୟାଣ ପାଲଙ୍କ ରିପୋର୍ଟ, ଇଟିଭି ଭାରତ
