ଅହମ୍ମଦାବାଦ: ନବନିର୍ମିତ ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଇଥିବା ଦୁଇଟି ଟେଷ୍ଟମ୍ୟାଚରେ ଅଳ୍ପସଂଖ୍ୟକ ଦର୍ଶକ ଦେଖିବାକୁ ମିଳିଥିଲା । ତେବେ ଶୁକ୍ରବାର ଠାରୁ ଏହି ଗ୍ରାଉଣ୍ଡରେ ଉଭୟ ଟିମ ମଧ୍ୟରେ ଟି20 ଲଢେଇ ଦେଖିବାକୁ ମିଳିବ । ଫଟାଫଟ କ୍ରିକେଟର ଏହି 5 ମ୍ୟାଚ ବିଶିଷ୍ଟ ସିରିଜରେ ବେଶୀ ଦର୍ଶକ ଦେଖିବାକୁ ମିଳିବେ ।
ଜଣେ ସ୍ଥାନୀୟ ଅଧିକାରୀଙ୍କ ସୂଚନୀ ଅନୁଯାୟୀ, ଶୁକ୍ରବାର ଖେଳାଯିବାକୁ ଥିବା ପ୍ରଥମ ଟି20 ମ୍ୟାଚ ପାଇଁ ପ୍ରାୟ 40,000ରୁ ଅଧିକ ଟିକେଟ ବିକ୍ରି ଶେଷହୋଇଛି ।
ଷ୍ଟାଡିୟମର ଦର୍ଶକ କ୍ଷମତା 1,10,000 ସହ କ୍ଷମତା ଅନୁଯାୟୀ, ବିଶ୍ବର ସର୍ବବୃହତ କ୍ରିକେଟ ଷ୍ଟାଡିୟମ । ସଦ୍ୟ ସମାପ୍ତ ହୋଇଥିବା ଭାରତ ଓ ଓ ଇଂଲଣ୍ଡ ଟେଷ୍ଟ ସିରିଜର ଶେଷ ଦୁଇଟି ମ୍ୟାଚ ଷ୍ଟାଡିୟମର ନବୀକରଣ ପରେ ପ୍ରଥମ ଅନ୍ତର୍ଜାତୀୟ ମ୍ୟାଚ ଥିଲା ।
"ଟେଷ୍ଟ ମ୍ୟାଚରେ ଷ୍ଟାଡିୟମରେ ଉପସ୍ଥିତ ଥିବା ଦର୍ଶକଙ୍କ ସଂଖ୍ୟା ଠାରୁ ଟି20 ମ୍ୟାଚରେ ବେଶ୍ ଅଧିକ ଦର୍ଶକ ଆଶା ରହିଛି । ଏଯାବତ 40,000ରୁ ଅଧିକ ଟିକେଟ ବିକ୍ରି ଶେଷ ହୋଇଛି," ଏହା କହିଛନ୍ତି ଗୁଜୁରାଟ କ୍ରିକେଟ ଆସୋସିଏସନର ଅଧିକାରୀ ।
ବୁଧବାର ଭାରତୀୟ ଟିମ ଅଭ୍ୟାସ କରିନଥିବାବେଳେ ଇଂଲଣ୍ଡ ଟିମକୁ ଅଭ୍ୟାସ ସେସନରେ ଦେଖିବାକୁ ମିଳିଥିଲା ।
ପ୍ରଥମ ଟି20 ମାର୍ଚ୍ଚ 12(ଶୁକ୍ରବାର) ଖେଳାଯିବାକୁ ଥିବାବେଳେ, ସମାନ ଭେନ୍ୟୁରେ ମାର୍ଚ୍ଚ 14, 16, 18 ଓ 20ରେ ଅନ୍ୟ 4ଟି ମ୍ୟାଚ ଖେଳାଯିବ ।
ସମସ୍ତ ମ୍ୟାଚ ସନ୍ଧ୍ୟା 7.00ଟାରେ ଆରମ୍ଭ ହେବ । ଏହାପରେ ଦିନିକିଆ ସିରିଜ ପୁନେରେ ମାର୍ଚ୍ଚ 23, 26 ଓ 28ରେ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
