ଚେନ୍ନାଇ: ଫେବ୍ରୁଆରୀ 5ରୁ ଆରମ୍ଭ ହେବ ଭାରତ-ଇଂଲଣ୍ଡ ଟେଷ୍ଟ ସିରିଜ । ଏଥିପାଇଁ ଉଭୟ ଟିମ ସ୍କ୍ବାଡ ଘୋଷଣା କରିସାରିଛନ୍ତି । ତେବେ ଘୋଷିତ ଇଂଲଣ୍ଡ ସ୍କ୍ବାଡରେ ୱିକେଟ କିପର ବ୍ୟାଟ୍ସମ୍ୟାନ ଜନ୍ନି ବେୟାରଷ୍ଟୋଙ୍କୁ ନେଇ ଚର୍ଚ୍ଚା ଜାରି ରହିଛି ।
ଶୁକ୍ରବାର ଇଂଲଣ୍ଡ ସହକାରୀ ବ୍ୟାଟିଂ କୋଚ ଗ୍ରାହମ ଥୋର୍ପେ କହିଥିଲେ, ବେୟାରଷ୍ଟୋ ପ୍ରଥମ ଟେଷ୍ଟ ପରେ ସ୍କ୍ବାଡରେ ସାମିଲ ହେବେ । ମାତ୍ର ତୃତୀୟ ଓ ଚତୁର୍ଥ ଟେଷ୍ଟ ପାଇଁ ବେୟାରଷ୍ଟୋ ଫେରିବା ନେଇ ଔପଚାରିକ ଭାବେ ସ୍ପଷ୍ଟ କରିଛି ଇଂଲଣ୍ଡ ଓ ୱେଲ୍ସ କ୍ରିକେଟ ବୋର୍ଡ(ECB) ।
ଭାରତ ବିପକ୍ଷ ପ୍ରଥମ ଦୁଇଟି ଟେଷ୍ଟରେ ବେୟାରଷ୍ଟୋଙ୍କୁ ବିଶ୍ରାମ ଦେବାକୁ ନିଷ୍ପତ୍ତି କରିଥିଲେ ଇଂଲଣ୍ଡ ଚୟନକର୍ତ୍ତା ଓ ଟିମ ମ୍ୟାନେଜମେଣ୍ଟ । ଏହାପରେ ତୀବ୍ର ସମାଲୋଚନାର ଶିକାର ହୋଇଥିଲେ । ତେବେ ଇସିବି ପକ୍ଷରୁ ପୂର୍ବ ଘୋଷମାରେ କୌଣସି ପରିବର୍ତ୍ତନ ହେବନାହିଁ ବୋଲି ସ୍ପଷ୍ଟ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
