ବ୍ରିସବେନ: ଭାରତୀୟ ଟେଷ୍ଟ ଦଳର ଉପ-ଅଧିନାୟକ ରୋହିତ ଶର୍ମା ଗାବା ଟେଷ୍ଟର ଦ୍ବିତୀୟ ଦିନରେ ନାଥନ ଲାୟନଙ୍କ ବଲରେ ଛକା ମାରିବାକୁ ପ୍ରୟାସ କରି ଆଉଟ ହୋଇଛନ୍ତି । ତେବେ ଏହି ସଟ୍ ଖେଳିବା ନେଇ ଦୁଃଖିତ ନୁହଁନ୍ତି ବୋଲି ସଫେଇ ଦେଇଛନ୍ତି ରୋହିତ । ଅତୀତରେ ଏକାଧିକ ବାର ଏହି ସଟ୍ ଖେଳି ସେ ସଫଳ ହୋଇଛନ୍ତି ।
ଅଷ୍ଟ୍ରେଲିଆ ବିପକ୍ଷ ଶେଷ ତଥା 4ର୍ଥ ଟେଷ୍ଟରେ ଘରୋଇ ଦଳ 369 ରନରେ ଅଲଆଉଟ ହେବାପରେ, ଦ୍ବିତୀୟ ଦିନ ଖେଳ ଶେଷ ସୁଦ୍ଧା ଭାରତ ଦୁଇ ଓପନରଙ୍କ ୱିକେଟ ହରାଇ 62 ରନ ସଂଗ୍ରହ କରିଛି । ଏଥିସହ ଅଷ୍ଟ୍ରେଲିଆର ପ୍ରଥମ ଇଂନିସ ସ୍କୋର ଠାରୁ ଏବେବି 307 ରନ ପଛରେ ରହିଛି ।
-
Nathan Lyon's 397th Test wicket seemed to come out of nowhere and the Aussies were pumped! #OhWhatAFeeling #AUSvIND | @Toyota_Aus pic.twitter.com/rIhl4ZjbTu
— cricket.com.au (@cricketcomau) January 16, 2021 " class="align-text-top noRightClick twitterSection" data="
">Nathan Lyon's 397th Test wicket seemed to come out of nowhere and the Aussies were pumped! #OhWhatAFeeling #AUSvIND | @Toyota_Aus pic.twitter.com/rIhl4ZjbTu
— cricket.com.au (@cricketcomau) January 16, 2021Nathan Lyon's 397th Test wicket seemed to come out of nowhere and the Aussies were pumped! #OhWhatAFeeling #AUSvIND | @Toyota_Aus pic.twitter.com/rIhl4ZjbTu
— cricket.com.au (@cricketcomau) January 16, 2021
ତେବେ ରୋହିତ ଶର୍ମା କ୍ରିଜରେ ଜମିଆସିବା ସହ 44 ରନ ସଂଗ୍ରହ କରିସାରିଥିଲେ । ଅଷ୍ଟ୍ରେଲୀୟ ଦ୍ରୁତ ବୋଲରଙ୍କୁ ରୋହିତ ଭଲ ମୁକାବିଲା କରୁଥିଲେ । ଦ୍ରୁତ ବୋଲିଂ କାମ ନ ଆସିବା ପରେ କଙ୍ଗାରୁ କ୍ୟାପଟେନ ସ୍ପିନର ନାଥନ ଲାୟନଙ୍କୁ ବୋଲିଂରେ ଲଗାଇଥିଲେ । ତେବେ ରୋହିତ ନିଜର ଏକାଗ୍ରତା ହରାଇ ଛକା ମାରିବାକୁ ପ୍ରୟାସ କରି ବାଉଣ୍ଡ୍ରୀ ପାଖରେ କ୍ୟାଚ ଆଉଟ ହୋଇଥିଲେ ।
ଏହାକୁ ଭାରତୀୟ ଫ୍ୟାନ୍ସ ରୋହିତ ନିଜର ୱିକେଟକୁ ଉପହାର ଦେଇଦେଲେ ବୋଲି କହିବା ସହ ସମାଲୋଚନା କରିଛନ୍ତି । ଏପରିକି ପୂର୍ବତନ କ୍ରିକେଟର, କମେଣ୍ଟଟର ସୁନୀଲ ଗାଭାସ୍କର ମଧ୍ୟ ଏପରି ଆଉଟ ହେବାକୁ ନାପସନ୍ଦ କରିଥିଲେ । ଦଳର ବରିଷ୍ଠ ସଦସ୍ୟ ହୋଇଥିଲେ ମଧ୍ୟ ବେପରୁଆ ଭାବେ ଅନାବଶ୍ୟକ ଓ ଖରାପ ସଟ୍ ଖେଳି ଆଉଟ ହେବାକୁ ସମାଲୋଚନା କରିଛନ୍ତି ଗାଭାସ୍କର । ତେବେ ରୋହିତ କହିଛନ୍ତି ତାଙ୍କ ବ୍ୟାଟରେ ଏହି ସଟ୍ ଠିକ୍ରେ ଲାଗିନଥିଲା । ଏହି ସଟ୍ ଖେଳି କୌଣସି ଦୁଃଖ ନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
