ନୂଆଦିଲ୍ଲୀ: ଅଷ୍ଟ୍ରେଲିଆର ମେଲବୋର୍ଣ୍ଣରେ ମହିଳା ଟି-20ର ମେଗା ଫାଇନାଲ ପାଇଁ ବଢିଲାଣି ହୃଦସ୍ପନ୍ଦନ । କ୍ରିକେଟପ୍ରେମୀଙ୍କ ମଧ୍ୟରେ ଏହି ମ୍ୟାଚକୁ ନେଇ ବଢିବାରେ ଲାଗିଛି ଉତ୍କଣ୍ଠା ।
ପ୍ରଧାନମନ୍ତ୍ରୀ ମୋଦି ଭାରତୀୟ ମହିଳା ଟିମକୁ ଫାଇନାଲ ମ୍ୟାଚ ପାଇଁ ଶୁଭେଚ୍ଛା ଜଣାଇଛନ୍ତି । ଫାଇନାଲରେ ପହଞ୍ଚିଥିବା ଉଭୟ ଭାରତ ଓ ଅଷ୍ଟ୍ରେଲିଆ ଦଳକୁ ମହିଳା ଦିବସର ଶୁଭେଚ୍ଛା ମଧ୍ୟ ଜାଣାଇଛନ୍ତି ମୋଦି । ଏଥିସହିତ ଶ୍ରେଷ୍ଠ ଟିମର ବିଜୟ ହେବାସହ, ଏମସିଜି ଗ୍ରାଉଣ୍ଡ ଭାରତୀୟ ଜର୍ସିର ରଙ୍ଗ ବ୍ଲୁରେ ଭରିଯିବ ବୋଲି ଟ୍ବିଟରେ ଲେଖିଛନ୍ତି ପ୍ରଧାନମନ୍ତ୍ରୀ ମୋଦି ।
ଅନ୍ୟପଟେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ମଧ୍ୟ ଅଷ୍ଟ୍ରେଲିଆ ମହିଳା ଟିମକୁ ଫାଇନାଲ ମ୍ୟାଚ ପାଇଁ ଶୁଭେଚ୍ଛା ଜଣାଇଛନ୍ତି । ଭାରତ-ଅଷ୍ଟ୍ରେଲିଆ ଫାଇନାଲ ମୁକାବିଲା ଏକ ଚିତ୍ତାକର୍ଷକ ମ୍ୟାଚ ହେବ ବୋଲି ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆଶାବ୍ୟକ୍ତ କରିଛନ୍ତି ।
