ସିଡନୀ: ଆଇସିସି ମହିଳା ଟି-20 ବିଶ୍ବକପର ପ୍ରଥମ ମ୍ୟାଚରେ ଘରୋଇ ଅଷ୍ଟ୍ରେଲିଆକୁ 17 ରନରେ ମାତ ଦେଇଛି ଭାରତୀୟ ଦଳ । 133 ରନର ବିଜୟ ଲକ୍ଷ୍ୟକୁ ପିଛା କରୁଥିବା କଙ୍ଗାରୁ ଦଳ ଭ୍ରମଣକାରୀ ଦଳର ବୋଲରଙ୍କ ଦମଦାର ପ୍ରଦର୍ଶନ ବଳରେ 115 ରନରେ ଅଲଆଉଟ ହୋଇଯାଇଛି ।
ପ୍ରଥମେ ଟସ ଜିତି ବୋଲିଂ ନିଷ୍ପତ୍ତି ନେଇଥିଲା ଘରୋଇ ଅଷ୍ଟ୍ରେଲିଆ । ତେବେ ଭାରତ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ 4 ଓ୍ବିକେଟ ହରାଇ 132ରନ୍ କରିଥିଲା । ତେବେ ଦଳ ପକ୍ଷରୁ ଦୀପ୍ତି ଶର୍ମା ସର୍ବାଧିକ 49(46ବଲ୍)ରନ୍ କରିଥିଲେ । ସେହିପରି ଶେଫାଳି ବର୍ମା 29(15ବଲ୍)ରନ୍, ଜେମିମ୍ମା ରୋଡ୍ରିଗ୍ୟୁସ 26(33)ରନ୍, ସ୍ମୃତି ମାନ୍ଧନା 10(11ବଲ୍)ରନ୍ ଓ କ୍ୟାପଟେନ ହରମନପ୍ରିତ କୌର 2ରନ୍ ଓ ବେଦା କ୍ରୀଷ୍ଣାମୂର୍ତ୍ତୀ 9ରନ୍ କରିଥିଲେ ।
