ଦୁବାଇ: ସତ ହେଲା ସମସ୍ତ ପୂର୍ବାନୁମାନ । ମହାମାରୀ କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ସ୍ଥଗିତ ହେଲା 2020 ଆଇସିସି ପୁରୁଷ ଟି-20 ବିଶ୍ବକପ । ଟି-20 ବିଶ୍ବକପ ନେଇ ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି) ବୋର୍ଡ ବୈଠକରେ ଏହି ଗୁରୁତ୍ବପୂର୍ଣ୍ଣ ନିଷ୍ପତ୍ତି ହୋଇଛି ।
ଟି-20 ବିଶ୍ବକପ 2020 ଅଷ୍ଟ୍ରେଲିଆରେ ଅକ୍ଟୋବର 18ରୁ ନଭେମ୍ବର 15 ପର୍ଯ୍ୟନ୍ତ ଖେଳାଯିବା ନେଇ ସୂଚୀ ରହିଥିଲା । ଏହି ସଂସ୍କରଣର ବିଶ୍ବକପ ଆସନ୍ତାବର୍ଷ ଅକ୍ଟୋବର-ନଭେମ୍ବରରେ ଖେଳାଯିବା ନେଇ ଘୋଷଣା ହୋଇଛି । ଫାଇନାଲ ମ୍ୟାଚ 14 ନଭେମ୍ବର 2021ରେ ଖେଳାଯିବ ।
2022 ଆଇସିସି ପୁରୁଷ କ୍ରିକେଟ ବିଶ୍ବକପ ଅକ୍ଟୋବର-ନଭେମ୍ବର ମାସରେ ଖେଳାଯିବ । ଫାଇନାଲ ମ୍ୟାଚ 13 ନଭେମ୍ବର 2022ରେ ଖେଳାଯିବ ।
ସେହିପରି 2023 ଆଇସିସି ପୁରୁଷ କ୍ରିକେଟ ବିଶ୍ବକପ ଭାରତରେ ଅକ୍ଟୋବର-ନଭେମ୍ବର ମାସରେ ଖେଳାଯିବ । ଫାଇନାଲ ମ୍ୟାଚ ନଭେମ୍ବର 26ରେ ଖେଳାଯିବ ।
ଟି-20 ବିଶ୍ବକପ ସ୍ଥଗିତ ଘୋଷଣା ପରେ, କୋରୋନା ଭାଇରସ ଯୋଗୁଁ ବାତିଲ କିମ୍ବା ସ୍ଥଗିତ ହୋଇଥିବା ଅନତର୍ଜାତୀୟ ମେଗା କ୍ରୀଡା ଇଭେଣ୍ଟ ତାଲିକା ବୃଦ୍ଧି ପାଇଛି । ପୂର୍ବରୁ ଅଲମ୍ପିକ, ୱିମ୍ବଲଡନ ସମେତ ବିଶ୍ବର ଏକାଧିକ ସମ୍ମାନଜନକ ଇଭେଣ୍ଟ ଚଳିତ ବର୍ଷ ସମ୍ଭବ ହୋଇପାରିନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
