କଟକ: ବାରବାଟୀ ବିଜୟରେ ସାର ଜାଡେଜାଙ୍କ ଲଢୁଆ ପାଳି । ଅଧିନାୟକ କୋହଲିଙ୍କ ସହ ମିଶି ଭାରତକୁ ବିଜୟ ଦ୍ବାରରେ ଠିଆ କରିଲେ ଜାଡେଜା । 31ବଲରୁ 39ରନ ପାଳି ଖେଳିଥିବା ଜାଡେଜା ମ୍ୟାଚ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ କହିଛନ୍ତି, "ମୋ ପାଳି ଖୁବ୍ ମହତ୍ତ୍ବପୂର୍ଣ୍ଣ ଥିଲା ।"
ମୋ ପାଳି ଖୁବ ମହତ୍ତ୍ବପୂର୍ଣ୍ଣ ଥିଲା: ଜାଡେଜା
ତେବେ ସେ କହିଛନ୍ତି, "ମ୍ୟାଚ ଆପ ପାଇଁ କର ବା ମର ସ୍ଥିତି ଥିଲା । ମୁଁ ଯେତେବେଳେ ବ୍ୟାଟିଂ ପାଇଁ ଆସିଥିଲି ଏହା ମୋ ପାଇଁ ଚ୍ୟାଲେଞ୍ଜିଂ ଥିଲା । ବିରାଟଙ୍କ ସହ ମୁଁ ଦୃଢତାର ସହ ପାଳି ଖେଳିଥିଲା । ୱିକେଟ ବହୁତ ଭଲ ଥିଲା । ଯାହା ପାଇଁ ମୋତେ ବ୍ୟାଟିଂ କରିବାକୁ ସହଜ ହୋଇଥିଲା । "
ଉଲ୍ଳେଖଥାଉ କି, ଡିସାଇଡର ମ୍ୟାଚରେ ବିପକ୍ଷ ଇଣ୍ଡିଜକୁ 4 ୱିକେଟରେ ମାତ ଦେଇଛି ବିରାଟ ବାହିନୀ । ଘରୋଇ ଦିନିକିଆ ସିରିକୁ 2-1ରେ ଜିତି ନେଇଛି ଟିମ ଇଣ୍ଡିଆ । ଗେମ ଚେଞ୍ଜର ସାଜିଥିବା କ୍ୟାପ୍ଟେନ କୋହଲିଙ୍କୁ ମିଳିଛି ମ୍ୟାନ ଅଫ ଦ ମ୍ୟାଚର ତାଜ ।
