ଲଣ୍ଡନ: ୱେଷ୍ଟଇଣ୍ଡିଜ ଅଲରାଉଣ୍ଡର ରୋଷ୍ଟନ ଚେଜ ଆଗାମୀ ଇଂଲଣ୍ଡ ବିପକ୍ଷ ସିରିଜରେ ଶତକ ହାସଲ ପାଇଁ ଲକ୍ଷ୍ୟ ରହିଛନ୍ତି ।
ଏହାର କାରଣ ଚେଜ କହିଛନ୍ତି ଯେ, ଇଂଲଣ୍ଡରେ ଶତକ ହାସଲକାରୀ ବ୍ୟାଟ୍ସମ୍ୟାନଙ୍କ ଅନ୍ତର୍ଜାତୀୟ ସ୍ତରରେ ଶ୍ରେଷ୍ଠ ସମ୍ମାନ ମିଳେ। ଏମିତିକି ଅନ୍ୟ କ୍ରିକେଟର ଅଧିକ ଗମ୍ଭୀରତାର ସହ ଗ୍ରହଣ କରନ୍ତି ।
ଇଂଲଣ୍ଡ ବିପକ୍ଷରେ ଶତକ ହାସଲ କରିବା ଏକ ନିଆରା ଉପଲବ୍ଧି ପ୍ରଦାନ କରିଥାଏ । ମାତ୍ର ଇଂଲଣ୍ଡ ମାଟିରେ ଶତକ ହାସଲ କରିବା ଜଣେ ବ୍ୟାଟ୍ସମ୍ୟାନର ଦକ୍ଷତାକୁ ପ୍ରମାଣିତ କରିଥାଏ । ସେଥିପାଇଁ ଆଗାମୀ ସିରିଜରେ ବ୍ୟାଟରେ ପ୍ରଭାବୀ ପ୍ରଦର୍ଶନ କରିବା ନେଇ ସେ ଲକ୍ଷ୍ୟ ରଖିଥିବା କହିଛନ୍ତି । ଯଥା ସମ୍ଭବ ଅଧିକ ସ୍କୋର ପାଇଁ ପ୍ରୟାସ ରହିବ । ତେବେ ଗୋଟିଏ ଶତକ ହାସଲ କରିନପାରିଲେ, ଖୁସି ଅନୁଭବ ହେବ ନାହିଁ ବୋଲି କହିଛନ୍ତି ରୋଷ୍ଟନ ଚେଜ୍ ।
ବର୍ଷ 2016ରେ ଡେବ୍ୟୁ ପରଠାରୁ 5ଟି ଶତକ ହାସଲ କରିଛନ୍ତି । ଏଥିରେ ଭାରତ ବିପକ୍ଷରେ ଓ ଇଂଲଣ୍ଡ ବିପକ୍ଷରେ ମଧ୍ୟ ଗୋଟିଏ ଲେଖାଏଁ ଶତକ ରହିଛି । ୱିସଡେନ ଟ୍ରଫିର ଗତ ସଂସ୍କରଣ ୱେଷ୍ଟଇଣ୍ଡିଜରେ ଖେଳାଯାଇଥିଲା । ଚେଜଙ୍କ 8ୱିକେଟ ଅକ୍ତିଆର ଫଳରେ, ଇଂଲଣ୍ଡକୁ ହରାଇ ଟ୍ରଫି ଜିତିଥିଲା ଇଣ୍ଡିଜ ।
28 ବର୍ଷୀୟ ଚେଜ୍ ଏୟାବତ 32ଟି ଟେଷ୍ଟରୁ 1695 ରନ ସଂଗ୍ରହ କହିବା ସହ 59ଟି ୱିକେଟ ମଧ୍ୟ ହାସଲ କରିଛନ୍ତି ।
