ମୁମ୍ବାଇ: ଭାରତର ବିଶ୍ବକପ ବିଜୟୀ କ୍ୟାପଟେନ ମହେନ୍ଦ୍ର ସିଂ ଧୋନି ଅନ୍ତର୍ଜାତୀୟ କ୍ରିକେଟରୁ ଅବସର ନେବାପରେ ତାଙ୍କୁ ଭବିଷ୍ୟତ ଜୀବନ ପାଇଁ ଶୁଭେଚ୍ଛାର ସୁଅ ଝୁଟିବାରେ ଲାଗିଛି ।
ବଲିଉଡ ଅଭିନେତ୍ରୀ ପ୍ରୀତି ଜିଣ୍ଟା ଧୋନିଙ୍କ ସହ ଆଇପିଏଲ ମ୍ୟାଚର ଏକ ଫଟୋ ସେୟାର କରିବା ସହ ସ୍ମରଣୀୟ ମୂହୂର୍ତ୍ତକୁ ମନେପକାଇଛନ୍ତି । ଏବଂ କହିଛନ୍ତି, ସର୍ବଦା ଶାନ୍ତ ହୋଇ ରହିବ' ।
ଧୋନିଙ୍କ ଖାସ୍ ହେଲିକପ୍ଟର ସଟକୁ ମନେପକାଇ ପ୍ରୀତି ଜିଣ୍ଟା ଲେଖିଛନ୍ତି, "ହେଲିକପ୍ଟର ତଳକୁ ଆସିଗଲା କିନ୍ତୁ ଉପରକୁ ଉଠିବା ସଦା ସ୍ମରଣୀୟ ହୋଇ ରହିଗଲା ।"
- " class="align-text-top noRightClick twitterSection" data="
">
ସେୟାର ହୋଇଥିବା ଆଇପିଏଲ ମ୍ୟାଚ ସମୟର ଏହି ଫଟୋ ଧୋନି ଚେନ୍ନାଇ ସୁପର କିଙ୍ଗ୍ସର ଜର୍ସିରେ ଥିବାବେଳେ, ପ୍ରୀତି ଜିଣ୍ଟା କିଙ୍ଗ୍ସ ଇଲେଭେନ ପଞ୍ଜାବର ଟି-ସାର୍ଟ ପରିଧାନ କରିଛନ୍ତି ।
ଟ୍ବିଟ ଯୋଗେ ଧୋନିଙ୍କୁ ଧନ୍ୟବାଦ ଜଣାଇବା ସହ ଆଗାମୀ ଜୀବନ ପାଇଁ ଶୁଭେଚ୍ଛା ଜଣାଇଛନ୍ତି ପ୍ରୀତି ଜିଣ୍ଟା । ଏହି ଟ୍ବିଟ ହେବାର ଗୋଟିଏ ଘଣ୍ଟା ମଧ୍ୟରେ 1ହଜାରରୁ ଅଧିକ ଲୋକେ ଏହାକୁ ପସନ୍ଦ କରିଥିଲେ ।
ଶନିବାର ସ୍ବାଧୀନତା ଦିବସ ସନ୍ଧ୍ୟାରେ ଧୋନି, ଇନଷ୍ଟାଗ୍ରାମ ପୋଷ୍ଟ ମାଧ୍ୟମରେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ । ଭାରତୀୟ ଜର୍ସିରେ ଧୋନି ନଜର ଆସିବେନି ଖବରରେ କ୍ରିକେଟ ପ୍ରେମୀ ନିରାଶ ହେବାସହ, ଧୋନିଙ୍କୁ ଭାରତୀୟ କ୍ରିକେଟରେ ଅଗଣିତ ସଫଳତା ପାଇଁ ଶୁଭେଚ୍ଛା ଜଣାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
