ନୂଆଦିଲ୍ଲୀ: ଆଫଗାନିସ୍ତାନ ବିପକ୍ଷ ମ୍ୟାଚରେ ଜବରଦସ୍ତ ବୋଲିଂ ପ୍ରଦର୍ଶନ କରିଥିଲେ ପେସ ଷ୍ଟାର ମହମ୍ମଦ ଶାମି । ଅନ୍ତିମ ଓଭରରେ ହ୍ୟାଟ୍ରିକ ନେଇ ଭାରତକୁ ବିଜୟ ଭେଟି ଦେଇଥିଲେ । ତେବେ ହ୍ୟାଟ୍ରିକକୁ ମିଶାଇ ଶାମି ମ୍ୟାଚରେ 4ଟି ୱିକେଟ ନେଇଥିଲେ । ତେବେ ଶାମିଙ୍କ ଏହି ଦମଦାର ପ୍ରଦର୍ଶନ ପରେ ତାଙ୍କୁ ଶୁଭେଚ୍ଛା ଜଣାଇଛନ୍ତି ତାଙ୍କ ସ୍ତ୍ରୀ ହସିନା ଜାହାଁ ।
ଜାତୀୟ ଗଣମାଧ୍ୟମକୁ ପ୍ରତିକ୍ରିୟା ଦେଇ ହସିନା ଜାହାଁ କହିଛନ୍ତି ଦେଶ ପାଇଁ ଖେଳିବା ପ୍ରତ୍ୟେକ ଖେଳାଳି ପାଇଁ ଗର୍ବର ବିଷୟ । ମ୍ୟାଚ ଜିତାଇବା ଆହୁରି ବଡ଼ ଗର୍ବ । ହସିନା ଆଶା ରଖିଛନ୍ତି ଦଳ ଏଭଳି ପ୍ରଦର୍ଶନ ଜାରି ରଖି ବିଶ୍ୱକପ୍ ଜିତିବ । ତେବେ ଶାମିଙ୍କ ବାବଦରେ ହସିନା କିନ୍ତୁ କିଛି କହି ନାହାନ୍ତି ।
