ମୁମ୍ବାଇ: ଭାରତୀୟ କ୍ରିକେଟ ଟିମର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା କ୍ୟାପ୍ଟେନ କୁଲ୍ଙ୍କୁ ନେଇ ବଡ ବୟାନ ଦେଇଛନ୍ତି । ତାଙ୍କ ମତରେ ସେ କେବେ ବି ମାହିଙ୍କ ସ୍ଥାନ ପୂରଣ କରି ପାରିବେ ନାହିଁ ।
ସୂଚନା ଥାଉକି, ପିଠିରେ ସର୍ଜରି କାରଣରୁ ସେ ଖେଳରୁ ଦୂରରେ ରହିଥିଲେ । ଏବେ ଇଣ୍ଡିଆ ଏ ଟିମ ପାଇଁ ନ୍ୟୁଜିଲାଣ୍ଡ ବିପକ୍ଷରେ ଖେଳିବେ ।
କୁହାଯାଉଛି ଯେ, ଟି-20 ବିଶ୍ବକପରେ ହାର୍ଦ୍ଦିକ ଜଣେ ଭଲ ଫିନିସର ଭାବରେ ସାମ୍ନାକୁ ଆସିବେ । ତେବେ ଏହି ମନ୍ତବ୍ୟକୁ ନେଇ ଅଲରାଉଣ୍ଡର ପାଣ୍ଡ୍ୟା କହିଛନ୍ତି ଯେ, ମୁଁ କେବେବି ଏମଏସ ଧୋନିଙ୍କ ସ୍ଥାନ ପୂରଣ କରି ପାରିବି ନାହିଁ । ଏପରି ମୁଁ ଭାବେବି ନାହିଁ । ଯାହା ବି କରିବି ଟିମ ପାଇଁ କରିବି ।
