ମୁମ୍ବାଇ: ଖୁବଶୀଘ୍ର ବାପା ହେବାକୁ ଯାଉଛନ୍ତି ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା । ହାର୍ଦ୍ଦିକ ଏବଂ ତାଙ୍କ ପ୍ରେମିକା ତଥା ସର୍ବିୟାନ ବଲିଉଡ ଅଭିନେତ୍ରୀ ନାତାସା ଷ୍ଟାନକୋଭିକ୍ ଏକାସାଙ୍ଗରେ ଥିବା ଏକ ଫଟୋ ସୋସିଆଲ ମିଡିଆରେ ସେୟାର କରି ନିଜ ଫ୍ୟାନସଙ୍କୁ ଖୁସି ଖବର ଦେଇଛନ୍ତି ।
ହାର୍ଦ୍ଦିକ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏହି ଯୋଡିଙ୍କ ଅନେକ ଫଟୋ ପୋଷ୍ଟ କରିଥିବାବେଳେ ନତାସା ଗର୍ଭବତୀ ଥିବା ସେ କହିଛନ୍ତି । ଏହି ଫଟୋରେ ନତାସା ନିଜର ବେବି ବମ୍ପ ସହ ହାର୍ଦ୍ଦିକଙ୍କ ପାଖରେ ଠିଆ ହୋଇଛନ୍ତି । ଯେଉଁଥିରେ ଏହି ଯୋଡି ନିଜର ପ୍ରଥମ ସନ୍ତାନ ଜନ୍ମକୁ ନେଇ ବେଶ ଖୁସି ଥିବା ଜଣାପଡୁଛନ୍ତି ।
ସେ ସେୟାର କରିଥିବା ପୋଷ୍ଟରେ ହାର୍ଦ୍ଦିକ ଲେଖିଛନ୍ତି ଯେ, "ନତାସା ଏବଂ ମୁଁ ଏକତ୍ର ବହୁତ ଭଲ ଯାତ୍ରା କରିଛୁ ବର୍ତମାନ ଏହା ଆହୁରି ଭଲ ହେବାକୁ ଯାଉଛି। ଖୁବଶୀଘ୍ର ଆମ ଜୀବନରେ ଜଣେ ନୂଆ ସଦସ୍ୟଙ୍କୁ ସ୍ବାଗତ କରିବାକୁ ଆମେ ବହୁତ ଉତ୍ସାହିତ। ଆମ ଜୀବନର ଏହି ନୂଆ ଆରମ୍ଭରେ ଆମେ ବହୁତ ଖୁସି ଏବଂ ଆପଣଙ୍କ ଆଶୀର୍ବାଦ କାମନା କରୁଛୁ " ।
ଏହି ଯୋଡି ଏବେ ଲକଡାଉନ ଯୋଗୁଁ ଏକାଠି ରହୁଛନ୍ତି। ତେବେ ନତାସା ଏବଂ ହାର୍ଦ୍ଦିକ ଚଳିତବର୍ଷ ଜାନୁଆରୀ 1 ରେ ନିର୍ବନ୍ଧ କରିଥିଲେ।
