ହାଇଦ୍ରାବାଦ: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ସୁନୀଲ ଗାଭାସ୍କର ଏବଂ ବିରାଟ କୋହଲିଙ୍କ ପତ୍ନୀ ଅନୁଷ୍କା ଶର୍ମାଙ୍କ ମଧ୍ୟରେ ଚାଲିଥିବା ବିବାଦକୁ ନେଇ ପୂର୍ବତନ ଦ୍ରୁତ ବୋଲର ଇରଫାନ ପଠାନ ନିଜର ପ୍ରତିକ୍ରିୟା ଦେଇଛନ୍ତି । ଉଲ୍ଲେଖନୀୟ କଥା ହେଉଛି, ଲକଡାଉନ ସମୟରେ ବିରାଟ କୋହଲି ଏବଂ ଅନୁଷ୍କାଙ୍କର କିଛି ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ ଉଭୟ ଟେରାସରେ କ୍ରିକେଟ୍ ଖେଳୁଥିଲେ ।
ଆରସିବି ମ୍ୟାଚ ସମୟରେ ଗାଭାସ୍କର ଏହା ଉପରେ କିଛି ମନ୍ତବ୍ୟ ରଖିଥିଲେ । ଯାହାକୁ ନେଇ ସୋସିଆଲ ମିଡିଆରେ ଗାଭାସ୍କରଙ୍କୁ ଟାର୍ଗେଟ କରିଥିଲେ ଅନୁଷ୍କା । ଅନୁଷ୍କା ତାଙ୍କ ବିବୃତ୍ତିକୁ ଅପମାନଜନକ ବୋଲି ବର୍ଣ୍ଣନା କରିଥିଲେ । ଏହା ପରେ ଇର୍ଫାନ୍ ପଠାନ୍ ଟ୍ୱିଟ୍ କରି ଲେଖିଛନ୍ତି ‘‘ ତୁମେ ସବୁବେଳେ ସମ୍ମାନୀୟ’’ ।
ଉଲ୍ଲେଖନୀୟ କଥା ହେଉଛି କିଙ୍ଗସ ଏକାଦଶ ପଞ୍ଜାବ ବିପକ୍ଷ ମ୍ୟାଚରେ କ୍ୟାପଟେନ କୋହଲିଙ୍କ ପାଇଁ କିଛି ଭଲ ନଥିଲା । କୋହଲି କେଏଲ୍ ରାହୁଲଙ୍କ ଦୁଇଟି କ୍ୟାଚ୍ ଛାଡିଥିଲେ । ଯିଏ ଚଳିତ ଆଇପିଏଲର ପ୍ରଥମ ଶତକ ହାସଲ କରିଥିଲେ । ପରେ କୋହଲି ଏବଂ ତାଙ୍କ ଦଳ ଭଲ ପ୍ରଦର୍ଶନ କରିପାରିନଥିଲେ ଏବଂ ମାତ୍ର ଗୋଟିଏ ରନ୍ ସ୍କୋର କରି ଆଉଟ ହୋଇଥିଲେ କୋହଲି ।
