ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟ ପାଇଁ ସିଡନୀ ଗସ୍ତ କରିଛି ଭାରତୀୟ ଟିମ । ସତର୍କତାମୂଳକ ପଦକ୍ଷେପ ଭାବେ ଆଇସୋଲେସନରେ ଥିବା 5 ଜଣ ଭାରତୀୟ ଖେଳାଳି ମଧ୍ୟ ସମାନ ଚାର୍ଟାଡ ବିମାନରେ ଏକାଠି ସିଡିନୀ ଯାତ୍ରା କରିଛନ୍ତି ।
ଆଇସୋଲେସନରେ ଥିବା 5 ଖେଳାଳି, ଉପ-ଅଧିନାୟକ ରୋହିତ ଶର୍ମା, ଓପନର ଶୁଭମ ଗିଲ୍, ୱିକେଟ କିପର ଋଷଭ ପନ୍ତ, ବ୍ୟାଟ୍ସମ୍ୟାନ ପୃଥ୍ବୀ ଶ ଓ ଦ୍ରୁତ ବୋଲର ନବଦୀର ସାଇନିଙ୍କୁ ଜୈବ ସୁରକ୍ଷିତ ବଳୟ ନିୟମ ଉଲଂଘନ ଅଭିଯୋଗ ସତ୍ତ୍ବେ ଟିମ ସହ ଯାତ୍ରା କରିବାକୁ ବାରଣ କରାଯାଇନାହିଁ ।
ନୂଆବର୍ଷ ଦିନ ମେଲବୋର୍ଣ୍ଣରେ ଏକ ଇଣ୍ଡୋର ରେଷ୍ଟୁରାଣ୍ଟରେ ଖାଇଥିବା 5 ଜଣ ଭାରତୀୟ ଖେଳାଳିଙ୍କ ଭିଡିଓ ଭାଇରାଲ ହୋଇଥିଲା । ପରେ କ୍ରିକେଟ ଅଷ୍ଟ୍ରେଲିଆ ପକ୍ଷରୁ ଆଇସୋଲେସନରେ ରହିବାକୁ କୁହାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
