ଇସଲାମବାଦ: ପାକିସ୍ତାନ କ୍ରିକେଟ ବୋର୍ଡ ପ୍ରଥମ ଥର ପାଇଁ ଜଣେ ମହିଳା ନିର୍ଦ୍ଦେଶକଙ୍କୁ ନିଯୁକ୍ତ କରିଛି ।
ମାନବ ସମ୍ବଳ କାର୍ଯ୍ୟନିବାହୀ ଅଧିକାରୀ ଆଲିଆ ଜାଫର 4ଜଣ ନୂଆ ନିର୍ଦ୍ଦେଶକଙ୍କ ମଧ୍ୟରେ ରହିଛନ୍ତି । ଅନ୍ୟମାନଙ୍କ ମଧ୍ୟରେ ଆର୍ଥିକ କାର୍ଯ୍ୟନିବାହୀ ଜାଭେଦ କ୍ୟୁରେସି, ଅର୍ଥନୀତିଜ୍ଞ ଅସିମ ୱାଜିଦ ଜୱାଦ ଓ କର୍ପୋରେଟ କାର୍ଯ୍ୟନାବାହୀ ଆରିଫ ସଇଦ ।
ଜାଫର ଓ ଜୱାଦ ଦୁଇ ବର୍ଷ ପାଇଁ ନିଯୁକ୍ତ ହୋଇଛନ୍ତି ।
ପାକିସ୍ତାନ କ୍ରିକେଟ ବୋର୍ଡ(ପିସିବି)ର ନୂଆ ସମ୍ବିଧାନ ଅନୁଯାୟୀ, ପରିଚାଳନା ବୋର୍ଡରେ 4ଜଣ ସ୍ବାଧିନ ନିର୍ଦ୍ଦେଶକଙ୍କ ମଧ୍ୟରେ ବାଧ୍ୟତାମୂଳକ ଭାବେ ଜଣେ ମହିଳା ରହିବେ ।
ପ୍ରଥମ ମହିଳା ନିର୍ଦ୍ଦେଶକ ନିଯୁକ୍ତ ହୋଇଥିବା ଆଲିଆ ଜାଫରଙ୍କୁ ଶୁଭେଚ୍ଛା ଜଣାଇଛନ୍ତି ପିସିବି ଚେୟାରମ୍ୟାନ ଏହସାନ ମଣି । ଏହା ବୋର୍ଡର ସକରାତ୍ମକ ପରିଚାଳନାରେ ସହାୟକ ହେବ ବୋଲି ସେ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
