ହାଇଦ୍ରାବାଦ: ଚିର ପ୍ରତିଦ୍ବନ୍ଦ୍ବୀ ଭାରତ ଠାରୁ ପାକିସ୍ତାନ ହାରିବା ପରେ ପାକ୍ ଫାନ୍ସମାନଙ୍କ ରାଗ ସୋସିଆଲ ମିଡିଆରେ ବେଶ୍ ଦେଖିବାକୁ ମିଳୁଛି । ଖାସ କରି ପାକ୍ ଟିମର ଅଧିନାୟକ ସର୍ଫରାଜ ଅହମ୍ମଦଙ୍କୁ ସମାଲୋଚନାର ଶୀକାର ହେବାକୁ ପଡୁଛି ।
ସୂଚନାଥାଉକି, ଇଂଲଣ୍ଡର ଏକ ମଲ୍ରେ ପାକ୍ ଅଧିନାୟକ ସର୍ଫରାଜ ତାଙ୍କ ପରିବାର ସହ ବୁଲିଲା ବେଳେ ଜଣେ ଫାନ୍ସ ତାଙ୍କୁ ଅପମାନିତ କରିବାକୁ ପଛାଇନାହିଁ । ତେବେ ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଲାପରେ ଏହାକୁ ଅନେକ ନାପସନ୍ଦ କରିଛନ୍ତି ।
ତେବେ ସେହି ଭିଡିଓରେ ଫ୍ୟାନ୍ସ ଜଣକ ସର୍ଫରାଜଙ୍କୁ ଡାକି କହିଛନ୍ତି, ଭାଇ, ଭାଇ ଆପ ସୁଅରକି ତରହ ଇତନେ ମୋଟେ କିୟ୍ୟୁଁ ହେ ? ଆପ ସୁଅର ଯେସେ ମୋଟେ ହୋ, କମ୍ ଡାଇଟ କିୟା କରୋ । ଆପ ପାକିସ୍ତାନ କା ନାମ ଖୁବ୍ ରୋଶନ କିୟା ହେ ।
ତେବେ ଏପରି କଥା ଶୁଣିଲାପରେ ପାକ୍ ଅଧିନାୟକ ଅଣଦେଖା କରି ସେଠାରୁ ଚାଲି ଯାଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
