ନୂଆଦିଲ୍ଲୀ: ଭାରତୀୟ ଖେଳାଳିଙ୍କୁ ବିଦେଶୀ ଟି-20 ଲିଗରେ ଖେଳିବାକୁ ବିସିସିଆଇ ଅନୁମତି ଦେବା ଉଚିତ । ଏମିତି କିଛି ମତ ରଖିଥିଲେ ପୂର୍ବତନ ଭାରତୀୟ କ୍ରିକେଟର ଇରଫାନ ପଠାନ ଓ ସୁରେଶ ରୈନା । ବିସିସିଆଇ ବାର୍ଷିକ କେନ୍ଦ୍ରୀୟ ଚୁକ୍ତିରେ ସାମିଲ ନଥିବା ଖେଳାଳିଙ୍କୁ ବିଦେଶରେ ଟି-20 ଖେଳିବାକୁ ଅନୁମତି ମିଳୁ ବୋଲି ଉଭୟ କ୍ରିକେଟର କହିଥିଲେ ।
ତେବେ ଏହାର ଦିନକ ପରେ ବିସିସିଆଇ ପକ୍ଷରୁ ପ୍ରତିକ୍ରିୟା ରଖିଛି । ଭାରତୀୟ କ୍ରିକେଟର ସ୍ବତନ୍ତ୍ର । ଏହାହିଁ ବିସିସିଆଇର ଲକ୍ଷ୍ୟ ରହିଛି । ସେଥିପାଇଁ ବିଦେଶୀ ଟି-20 ଖେଳିବାକୁ ଭାରତୀୟ ଖେଳାଳିଙ୍କୁ ବାରଣ କରାଯାଇଛି । ନିଲାମ ପ୍ରକ୍ରିୟାରେ ଚୁକ୍ତିରେ ସାମିଲ ନଥିବା ଖେଳାଳି ମଧ୍ୟ ଉପଯୁକ୍ତ ମୂଲ୍ୟରେ ସାମିଲ ହୋଇପାରିବେ ।
2018 ପରେ ସୁରେଶ ରୈନା ଭାରତୀୟ ଦଳରୁ ବାଦ ପଡିଥିବାବେଳେ, ଇରଫାନ ପଠାନ ଚଳିତ ବର୍ଷ ଆରମ୍ଭରେ କ୍ରିକେଟରୁ ଅବସର ଘୋଷଣା କରିଥିଲେ । ଜାମ୍ମୁ କାଶ୍ମୀର କ୍ରିକେଟ ଟିମର କୋଚ ଭାବେ କାର୍ଯ୍ୟ କରୁଛନ୍ତି ପଠାନ । ତେବେ ପ୍ରାୟା 3ଟି ବିଦେଶୀ ଲିଗରୁ ତାଙ୍କୁ ଅଫର ମିଳିଥିଲା ବୋଲି ପଠାନ କହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
