ନୂଆଦିଲ୍ଲୀ: ବିସିସିଆଇର ପୂର୍ବତନ ଅମ୍ପାୟାର ରାଜୀବ ରିସୋଦକର କ୍ରିକେଟର ଆଇନକୁ ହିନ୍ଦୀରେ ଅନୁବାଦ କରିଛନ୍ତି, ଯାହା ମେଲବର୍ଣ୍ଣ କ୍ରିକେଟ କ୍ଲବ (ଏମସିସି) ୱେବସାଇଟରେ ଅପଲୋଡ ହୋଇଛି। MCC ହେଉଛି କ୍ରିକେଟ ଆଇନର କଷ୍ଟଡିଆନ । “ମଧ୍ୟପ୍ରଦେଶ କ୍ରିକେଟ୍ ଆସୋସିଏସନ୍ (MPCA) ପାଇଁ ଗର୍ବର ବିଷୟ ଯେ ଏମସିସି ଦ୍ବାରା ପ୍ରସ୍ତୁତ କ୍ରିକେଟ ଆଇନ (2017 କୋଡ୍ ୨ୟ ସଂସ୍କରଣ 2019)ର ହିନ୍ଦୀ ଅନୁବାଦ ବର୍ତ୍ତମାନ ଏହି ସମ୍ମାନଜନକ କ୍ଲବର ଅଫିସିଆଲ ୱେବସାଇଟରେ ଉପଲବ୍ଧ।
‘‘ଏହି ଅନୁବାଦ ରିସୋଦକରଙ୍କ ଦ୍ବାରା କରାଯାଇଛି’’ ବୋଲି କହିଛନ୍ତି ଏମସିପିଏର ସମ୍ମାନିତ ସମ୍ପାଦକ ସଞ୍ଜୀବ ରାଓ କହିଛନ୍ତି । 58 ବର୍ଷୀୟ ରିସୋଦକର 1997ରୁ 2016 ପର୍ଯ୍ୟନ୍ତ ବିସିସିଆଇ ଅମ୍ପାୟାର ଭାବେ କାର୍ଯ୍ୟ କରିଛନ୍ତି । ବର୍ତ୍ତମାନ ସେ ବିସିସିଆଇର ଲେବୁଲ-3 ଅମ୍ପାୟାର ପ୍ରଶିକ୍ଷକ ଭାବେ କାର୍ଯ୍ୟ କରୁଛନ୍ତି ଓ ଅନେକ ଅମ୍ପାୟାରଙ୍କୁ ଟ୍ରିନିଂ ଦେଇଛନ୍ତି ।
“ପାରମ୍ପରିକ ଭାବରେ କ୍ରିକେଟ ନିୟମର ଭାଷା ଇଂରାଜୀ ଭାବରେ ବିବେଚନା କରାଯାଏ। ବିସିସିଆଇର ପ୍ରସ୍ତାବରେ ମୁଁ ଏହି ନିୟମକୁ ହିନ୍ଦୀରେ ଅନୁବାଦ କରିଥିଲି ଯାହା ଦ୍ବାରା ଏହି କ୍ରିକେଟ ପାଇଁ ପାଗଳ ଦେଶରେ ଏହା ଅଧିକରୁ ଅଧିକ ଲୋକଙ୍କ ପାଖରେ ପହଞ୍ଚିପାରିବ,’’ ବୋଲି ରିସୋଦକର କହିଛନ୍ତି।
ସେ ଆଶା ପ୍ରକଟ କରିଛନ୍ତି ଯେ ଏହା ବହୁ ସଂଖ୍ୟକ ହିନ୍ଦୀ ଭାଷାଭାଷୀ ଅମ୍ପାୟାର ଏବଂ ଏହି କ୍ଷେତ୍ରରେ ତାଲିମ ଦେଉଥିବା ଲୋକଙ୍କୁ ମଧ୍ୟ ଉପକୃତ କରିବ, ଯାହାଙ୍କୁ ଇଂରାଜୀରେ ନିୟମ ବୁଝିବା କଷ୍ଟକର।
ଏହି କାର୍ଯ୍ୟ ଶେଷ କରିବାକୁ ତାଙ୍କ ପାଇଁ ପ୍ରାୟ ଏକ ମାସ ସମୟ ଲାଗିଥିବା ସେ କହିଛନ୍ତି।
1987 ମସିହାରେ ଲର୍ଡ୍ସ ଆଧାରିତ MCC ପ୍ରତିଷ୍ଠିତ ହୋଇଥିଲା ଏବଂ ସେବେଠାରୁ ଏହା କ୍ରିକେଟ ପାଇଁ ଆଇନ ଗଠନ ଦାୟିତ୍ବ ବହନ କରୁଛି ।
