ଲଣ୍ଡନ: ପ୍ରଥମେ ଅଷ୍ଟ୍ରେଲିଆ ପରେ ଭାରତ ଓ ଆଜି ସେମିରେ ପ୍ରବେଶ ପାଇଁ ପଥ ପରିଷ୍କାର କରିଛି ଆୟୋଜକ ଇଂଲଣ୍ଡ । ବିଶ୍ବକପ୍ର 41ତମ ମ୍ୟାଚରେ 119 ରନର ବିଶାଳ ବ୍ୟବଧାନରେ ନ୍ୟୁଜିଲାଣ୍ଡକୁ ପରାସ୍ତ କରିଛି ଘରୋଇ ଇଂଲଣ୍ଡ ।
ପ୍ରଥମେ ଇଂଲଣ୍ଡ ବ୍ୟାଟିଂ କରି ନିର୍ଦ୍ଧାରିତ 50 ଓଭରରେ 8 ୱିକେଟ ହରାଇ 305 ରନ କରିଥିଲା । ଦଳ ପକ୍ଷରୁ ଜୋନି ବେୟାରଷ୍ଟ୍ରୋ ସର୍ବାଧିକ 106 ରନ କରିଥିଲେ । ସେପଟେ ନ୍ୟୁଜିଲାଣ୍ଡର ଟ୍ରେଣ୍ଡ ବୋଲଟ, ମଟ ହେନେରୀ ଓ ଜେମେସ ନିଶାମ 2ଟି ଲେଖାଏଁ ୱିକେଟ ଅକ୍ତିଆର କରିଥିଲେ ।
ଅନ୍ୟପଟେ 306 ରନର ବିଜୟ ଲକ୍ଷ୍ୟକୁ ପିଛା କରି ନ୍ୟୁଜିଲାଣ୍ଡ 45 ଓଭରରେ ସମସ୍ତ ୱିକେଟ ହରାଇ 186 ରନ କରିଥିଲା । ଦଳ ପକ୍ଷରୁ ଟମ ଲାଥମ ସର୍ବାଧିକ 57 ରନ୍ କରିଥିଲେ । ଇଂଲଣ୍ଡ ପକ୍ଷରୁ ମାର୍କ ଉଡ୍ ସର୍ବାଧିକ 3ଟି ୱିକେଟ ଅକ୍ତିଆର କରିଥିଲେ । ଇଂଲଣ୍ଡ ପକ୍ଷରୁ ସର୍ବାଧିକ ରନ କରିଥିବା ଜୋନି ବେୟାରଷ୍ଟ୍ରୋଙ୍କୁ ମ୍ୟାନ ଅଫ ଦି ମ୍ୟାଚ ଘୋଷଣା କରାଯାଇଛି ।
