ଲଣ୍ଡନ: ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡ (ଇସିବି) ମଙ୍ଗଳବାର କୃଷ୍ଣକାୟ ସମ୍ପ୍ରଦାୟ ଉପରେ ଅଧିକ ଧ୍ୟାନ ଦେଇ ଦେଶରେ କ୍ରିକେଟର ବିବିଧତା ବୃଦ୍ଧି ପାଇଁ ରଣନୀତିର ପ୍ରଥମ ପର୍ଯ୍ୟାୟ ଘୋଷଣା କରିଛି। ପ୍ରଶାସନରେ କୃଷ୍ଣକାୟ ଲୋକମାନଙ୍କର ପ୍ରତିନିଧିତ୍ବ ବୃଦ୍ଧି, ଜାତି ତଥା ବର୍ଣ୍ଣବାଦ ଉପରେ ଶିକ୍ଷା ଏବଂ ସଚେତନତା ବୃଦ୍ଧି ଏବଂ ଅଧିକ ସୁଯୋଗ ସୃଷ୍ଟି କରିବା ଏବଂ କ୍ରୀଡା ମଧ୍ୟରେ ବିଭିନ୍ନ ସମ୍ପ୍ରଦାୟ ପାଇଁ ଆଦର୍ଶକୁ ଆଲୋକିତ କରିବା ପାଇଁ ଏହି ପଦକ୍ଷେପଗୁଡିକ ଉପରେ ଧ୍ୟାନ ଦିଆଯାଇଛି ।
‘‘ଏହା ହେଉଛି ଆମର ନୂତନ ଯୋଜନାଗୁଡିକର ପ୍ରଥମ ପର୍ଯ୍ୟାୟ, ଏବଂ ଆମେ ଜାଣୁ ଯଦି ଆମେ ପ୍ରକୃତରେ ଅନ୍ତର୍ଭୂକ୍ତ ଏବଂ ବିବିଧତା ଆଣିବାର ଅଛି ଆମ ଚୁପ ହୋଇ ବସିପାରିବୁ ନାହିଁ । ଆଗକୁ ବଢ଼ିବା ପାଇଁ ଆମେ ବିଭିନ୍ନ ସମ୍ପ୍ରଦାୟକୁ ଶୁଣିବା, ପରାମର୍ଶ କରିବା ଏବଂ ସହଯୋଗ କରିବା ଜାରି ରଖିବୁ। ଆମେ ପ୍ରତିବଦ୍ଧ ଅଟୁ ଅଧିକ ଶିଖିବା, ଅଧିକ ବଢ଼ିବା ଏବଂ ଖୋଲା ମନ ଏବଂ ଏକ ମନୋବୃତ୍ତି ଦର୍ଶନ ସହିତ ଅଧିକ ହାସଲ କରିବା ପାଇଁ ଯାହା ପରବର୍ତ୍ତୀ ପିଢ଼ିକୁ ପ୍ରେରଣା ଯୋଗାଇବ ଓ ସେମାନେ କହିବେ ଯେ ‘କ୍ରିକେଟ ମୋ ଖେଳ’,’’ ବୋଲି ECB ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଟମ୍ ହାରିସନ୍ କହିଛନ୍ତି ।
ଭବିଷ୍ୟତର କୃଷ୍ଣକାୟ କୋଚମାନଙ୍କ ପାଇଁ ଏକ ନୂତନ କୋଚିଂ ବର୍ସାରୀ ପ୍ରବର୍ତ୍ତିତ ହେବ, ପ୍ରାଥମିକ ବିଦ୍ୟାଳୟରେ କ୍ରିକେଟ୍ ବ୍ୟବସ୍ଥା ବୃଦ୍ଧି ପାଇବ, ବିଶେଷତଃ ଯେଉଁମାନେ ଜାତି ଓ ବର୍ଣ୍ଣଗତ ଭାବରେ ବିବିଧ ଅଟନ୍ତି ଏବଂ ଏକ ଖେଳ-ବ୍ୟାପକ ଭେଦଭାବ ବିରୋଧୀ ଚାର୍ଟର ଏବଂ କୋଡ୍ ଆରମ୍ଭ କରାଯିବ ।
@IANS
