ହାଇଦ୍ରାବାଦ: ଓ୍ବେଷ୍ଟଇଣ୍ଡିଜ୍ ମହିଳା କ୍ରିକେଟ ଦଳର ମୁଖ୍ୟ କୋଚର ଦାୟିତ୍ବ ଗ୍ରହଣ କରିଛନ୍ତି ଇଣ୍ଡିଜର ପେସ୍ ବୋଲର କର୍ଟନୀ ଓ୍ବାଲ୍ସ । 2022 ଯାଏଁ ଏହି ମୁଖ୍ୟ କୋଚ ଦାୟିତ୍ବ ତୁଲାଇବେ ଓ୍ବାଲ୍ସ ।
ତେବେ ଦାୟିତ୍ବ ଗ୍ରହଣ ପରେ ଓ୍ବାଲ୍ସ କହିଛନ୍ତି ଯେ, ମହିଳା ଦଳ ସହ କାର୍ଯ୍ୟ କରିବା ଚ୍ୟାଲେଞ୍ଜପୂର୍ଣ୍ଣ ରହିବ । ଟିମରେ ବହୁ ଦକ୍ଷ ପ୍ଲେୟାର ଅଛନ୍ତି । ସେମାନଙ୍କ ମାର୍ଗଦର୍ଶକ ଭାବେ କାର୍ଯ୍ୟ କରିବି ଓ ସେମାନଙ୍କୁ ଏକ ମଜବୁତ ଦଳ ଭାବେ ଗଢି ତୋଳିବା ମୋ ଲକ୍ଷ୍ୟ । ପୂର୍ବରୁ ମୁଁ ଗତ ଟି-20 ବିଶ୍ବକପବେଳେ ଏହି ମହିଳା ଟିମ ସହ କାମ କରିଛି ।
ସୂଚନାଥାଉକି, କର୍ଟନୀ ଓ୍ବାଲ୍ସ 132ଟି ଟେଷ୍ଟ ମ୍ୟାଚ ଖେଳି 519ଟି ଓ୍ବିକେଟ ଅକ୍ତିଆର କରିଛନ୍ତି । ଟେଷ୍ଟ କ୍ରିକେଟରେ ଇଣ୍ଡିଜ ବୋଲର ଭାବେ ସର୍ବାଧିକ ଓ୍ବିରେଟ ନେବାର ରେକର୍ଡ ତାଙ୍କ ନାଁରେ ହିଁ ରହିଛି ।
