ନୂଆଦିଲ୍ଲୀ: ମୁମ୍ବାଇର ଐତାହାସିକ ୱାଙ୍ଖେଡେ କ୍ରିକେଟ ଷ୍ଟାଡିୟମ ହୋଇପାରେ କୋରୋନା ଭାଇରସ କ୍ବାରେଣ୍ଟିନ ସେଣ୍ଟର । ବ୍ରିହାନମୁମ୍ବାଇ ମୁନିସପାଲ କର୍ପୋରେସନ(BMC) କୁ ମୁମ୍ବାଇ କ୍ରିକେଟ ଆସୋସିଏସନ(MCA) ପକ୍ଷରୁ ଷ୍ଟାଡିୟମ ଅଫର କରିବା ନେଇ ସୂଚନା ମିଳିଛି ।
ପୂର୍ବରୁ ଏନେଇ BMC ପକ୍ଷରୁ ଏମସିଏକୁ କୋରୋନା ମୁକାବିଲା ପାଇଁ ଅନୁରୋଧ କରାଯାଇଥିଲା । ଏମସିଏର ସମସ୍ତ ସଦସ୍ୟଙ୍କ ମଧ୍ୟରେ ଆଲୋଚନା ପରେ ସହମତି ପ୍ରକାଶ ପାଇଛି । ମହାମାରୀ ଆଇନ 1897 ଅନୁଯାୟୀ ବିଏମସି କମିଶନରଙ୍କ ଗାଇଡଲାଇନ ସହ ଷ୍ଟାଡିୟମର ହସ୍ତାନ୍ତର ପାଇଁ ନିଷ୍ପତି ହୋଇଛି ।
ଦେଶରେ କୋରୋନା ଭାଇରସ ପଜିଟିଭ ସଂଖ୍ୟା ମାହାରାଷ୍ଟ୍ରରେ ସର୍ବାଧିକ ରହିଛି । ପ୍ରାୟ 21ରୁ ଅଧିକ ସଂକ୍ରମିତ ଚିହ୍ନଟ ହୋଇଥିବା ବେଳେ, 6,564 ଜଣ ସୁସ୍ଥ ହୋଇଛନ୍ତି । ଏଥିସହିତ 1000ରୁ ଅଧିକ ଲୋକ ପ୍ରାଣ ହରାଇଛନ୍ତି । ଶୁକ୍ରବାର 933 ନୂଆ ପଜିଟିଭ କେସ ମୁମ୍ବାଇରେ ଚିହ୍ନହୋଇତିବା ବେଳେ, 24 ଜଣଙ୍କ ମୃ୍ତ୍ୟୁ ହୋଇଥିଲା । କେବଳ ମୁମ୍ବାଇରେ ମୋଟ ପଜିଟିଭଙ୍କ ସଂଖ୍ୟା 17000 ପାର କରିଛି ।
