ହାଇଦ୍ରାବାଦ: ପାଣ୍ଡ୍ୟାଙ୍କୁ ଭାରି ପଡିଲା କଫି । ଏବେ କେବଳ ପିଉଛନ୍ତି ଗ୍ରୀନ-ଟି । ଜୀବନରେ ଥରେ କଫି ପିଇଥିଲେ, ଯାହା ତାଙ୍କୁ ଖୁବ ମହଙ୍ଗା ପଡିଥିଲା । ତେଣୁ ସେବେ ପରଠୁ ସେ କଫି ପିଇବା ବନ୍ଦ କରିଦେଇଛନ୍ତି ବୋଲି କହିଛନ୍ତି ଭାରତୀୟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ।
ସୂଚନାଥାଉ କି, ଗତବର୍ଷ ଟେଲିଭିଜନ୍ ସୋ କଫି ୱିଥ୍ କରଣରେ ଦେଇଥିବା ମନ୍ତବ୍ୟ ଯୋଗୁଁ ପାଣ୍ଡ୍ୟା ଖୁବ ବିବାଦରେ ରହିଥିଲେ । ତେବେ ଭାରତୀୟ ଦଳର ୱିକେଟକିପର ଦୀନେଶ କାର୍ତ୍ତିକଙ୍କ ସହ ଇନଷ୍ଟାଗ୍ରାମ ଲାଇଭ ଚାଟରେ ଗ୍ରୀନ୍ ଟି ପିଉଥିବା କଥା କହିଛନ୍ତି।
ସେ କହିଛନ୍ତି "ମୁଁ କଫି ପିଉ ନାହିଁ, ମୁଁ ଏହା ବଦଳରେ ଗ୍ରୀନ୍ ଟି ପିଉଛି । ମୁଁ କେବଳ ଥରେ କଫି ପିଇଥିଲି ଏବଂ ମୋ ପାଇଁ ମହଙ୍ଗା ପ୍ରମାଣିତ ହୋଇଥିଲା । ତେବେ ଷ୍ଟାରବକ୍ସର କଫି ମଧ୍ୟ ଏତେ ଦାମୀ ହୋଇନଥାଏ । ସେବେଠାରୁ ମୁଁ କଫି ଠାରୁ ଦୂରରେ ରହିଛି । "
2019 ର ଆରମ୍ଭରେ ପାଣ୍ଡ୍ୟା ବିବାଦର ସମ୍ମୁଖୀନ ହୋଇଥିଲେ । ଯେଉଁଥିରେ ସେ ସାଥୀ ଖେଳାଳି କେଏଲ୍ ରାହୁଲଙ୍କ ସହ ବଲିଉଡ ସେଲିବ୍ରେଟି କରଣ ଜୋହରଙ୍କ ଚାଟ୍ ସୋରେ ଖରାପ ମନ୍ତବ୍ୟ ଦେଇ କ୍ରିକେଟରୁ ବ୍ୟାନ ହୋଇଥିଲେ । ଏହା ପରେ ପାଣ୍ଡ୍ୟା ବିବାହ ବନ୍ଧନରେ ଆବଦ୍ଧ ହୋଇଥିଲେ ।
