ହାଇଦ୍ରାବାଦ: ବିଶ୍ବକପରୁ ବିଦାୟ ନେଇ ସାରିଛି କାରବିୟାନ ଦଳ । କିନ୍ତୁ ଇଂଲଣ୍ଡ ଛାଡିନାହାନ୍ତି ଷ୍ଟାର କ୍ରିକେଟର କ୍ରିସ ଗେଲ । ଏବେ ବି ଗେଲ ଇଂଲଣ୍ଡରେ ସମୟ କାଟୁଛନ୍ତି ।
ଏଥି ମଧ୍ୟରେ ସେ ଫର୍ମୁଲା ଓ୍ବାନ ରେସ(ବ୍ରିଟିଶ ଗ୍ରାଣ୍ଡ ପ୍ରିକ୍ସ) ମଧ୍ୟ ଦେଖିବାକୁ ଯାଇଥିବାବେଳେ ଏକ ଫଟୋ ଉଠାଇ ଚର୍ଚ୍ଚାରେ ଅଛନ୍ତି । ସେହି ଫଟୋରେ ସେ ମଦ ସମ୍ରାଟ ବିଜୟ ମାଲ୍ୟାଙ୍କ ସହ ନଜର ଆସିଛନ୍ତି । ଫଟୋକୁ ଖୋଦ ମାଲ୍ୟା ନିଜର ଟ୍ବିଟରରେ ସେୟାର କରିଛନ୍ତି ।
ତେବେ ତାଙ୍କର ଏହି ପୋଷ୍ଟକୁ ଭାରତୀୟ ଫ୍ୟାନ୍ସ ଜୋରଦାର ଟ୍ରୋଲ କରିଛନ୍ତି । ଭାରତୀୟ ପ୍ରଶଂସକ ଗେଲଙ୍କୁ ରିଟ୍ବିଟ କରି କହିଛନ୍ତି ଯେ ଦୟାକରି ମାଲ୍ୟାଙ୍କୁ ଭାରତକୁ କୋରିଅର କରିଦିଅନ୍ତୁ । ସୂଚନାଯୋଗ୍ୟ ଯେ ଠକେଇ ମାମଲାରେ ମାଲ୍ୟଙ୍କୁ ଭାରତ ସରକାର ପଳାତକ ଘୋଷଣା କରିଛନ୍ତି ।
