ଭଦ୍ରକ: ସ୍ଥାନୀୟ ଚରମ୍ପା RCBL ହାଇସ୍କୁଲ ପଡ଼ିଆରେ ସର୍ବଭାରତୀୟ ଚରମ୍ପା ଟି-20 ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇଯାଇଛି । ଉଦ୍ଘାଟନୀ ସମାରୋହରେ ମୁଖ୍ୟ ଅତିଥି ଭାବେ ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ ଯୋଗ ଦେଇ ଏହି କ୍ରିକେଟ ଟୁର୍ଣ୍ଣାମେଣ୍ଟର ଶୁଭାରମ୍ଭ କରିଛନ୍ତି ।
ସର୍ବଭାରତୀୟ ଚରମ୍ପା ଟି-20 ଟୁର୍ଣ୍ଣାମେଣ୍ଟ
ଉଦଘାଟନୀ ମ୍ୟାଚରେ ଯାଜପୁର MCCକୁ 5 ୱିକେଟରେ ହରାଇ ଚରମ୍ପା ଏକାଡ଼େମୀ ବିଜୟୀ ହୋଇଛି । ଚରମ୍ପା ପକ୍ଷରୁ ଜ୍ୟୋତିରଞ୍ଜନ ମହାରଣା 47 ବଲରେ ସର୍ବାଧିକ 74 ରନ କରି ଦଳକୁ ବିଜୟୀ କରିଥିବାରୁ ତାଙ୍କୁ ମ୍ୟାନ ଅଫ୍ ଦି ମ୍ୟାଚ ବିବେଚିତ କରାଯାଇଛି ।
ଲଲାଟ କେଶରୀ ନନ୍ଦ ଏବଂ ରଞ୍ଜନ ମହାନ୍ତି ଅମ୍ପାୟାର ଭାବେ ଖେଳ ପରିଚାଳନା କରିଥିଲେ । ତୃତୀୟ ଅମ୍ପାୟାର ଭାବେ ଜ୍ଞାନ ରାଉଳ ରହିଥିଲେ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
