ବେଙ୍ଗାଲୁରୁ: ଗୁରୁବାର ଖେଳାଯାଇଥିବା ଆଇପିଏଲର 7ମ ଲିଗ ମ୍ୟାଚର ଶେଷ ବଲରେ ବିଜୟୀ ହୋଇଛି ମୁମ୍ବାଇ ଇଣ୍ଡିଆନ୍ସ । ମ୍ୟାଚରେ ଯୁବରାଜ ସିଂହ ୟୁଜବେନ୍ଦ୍ର ଚହଲଙ୍କ ଓଭରରେ ହ୍ୟାଟ୍ରିକ ଛକା ମାରିଥିଲେ । ଆଉ ମ୍ୟାଚ ପରେ ଏମିତି କହିଛନ୍ତି ଚହଲ ।
ଚହଲକହିଛନ୍ତି, ଯୁବରାଜ ଲାଗ ଲାଗ ତିନି ଛକା ମାରିବା ପରେ ମୁଁ ନିଜକୁ କିଛି ସମୟ ପାଇଁ ଷ୍ଟୁଆର୍ଟ ବ୍ରଡ ବୋଲି ଭାବି ନେଇଥିଲି । ମତେ ଲାଗୁଥୁଲା ଯୁବିପାଜିଙ୍କ ସେହି କାରନାମ ବୋଧେ ମୋ ଓଭରରେ ରିପିଟିକରିବେ । କିନ୍ତୁ ମୁଁ ମୋ ଦକ୍ଷତା ଉପରେ ବିଶ୍ୱାସ ରଖିଥିଲି ଏବଂ ଚତୁର୍ଥ ବଲରେ ଯୁବିଙ୍କୁ ଆଉଟ କରିବାରେ ସଫଳ ହୋଇଥିଲି।
ତେବେ କହିରଖୁ ଗତକାଲି ମ୍ୟାଚରେ ୟୁଜବେନ୍ଦ୍ର ଚହଲଙ୍କ ଓଭରରେ ହ୍ୟାଟ୍ରିକ ଛକା ମାରିଥିଲେ ଯୁବରାଜ ସିଂ । କିନ୍ତୁ ଲଗାତାର ଚତୁର୍ଥ ବଲରେ ଛକା ମାରିବା ପ୍ରୟାସରେ ଯୁବରାଜ ବାଉଣ୍ଡ୍ରୀମହମ୍ମଦ ସିରାଜଙ୍କ ଦ୍ୱାରା କ୍ୟାଚ ହୋଇଥିଲେ।
ସୂଚନାଯୋଗ୍ୟ, ୨୦୦୭ ଟି-୨୦ ବିଶ୍ୱକପରେ ଇଂଲଣ୍ଡର ପେସ ବୋଲର ବ୍ରଡଙ୍କୁ ଯୁବି ୬ବଲରେ ୬ଛକା ମାରି ବିଶ୍ୱ ରେକର୍ଡ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
