ସାଧାରଣତନ୍ତ୍ର ଦିବସରେ ଭାରତୀୟ ଟିମ ଦେବ କି ବିଜୟ ଭେଟି !

ଭାରତ ସାଧାରଣତନ୍ତ୍ର ଦିବସରେ ଦେଇପାରେ ବିଜୟ ଉପହାର । ଗତବର୍ଷ 26 ଜାନୁଆରୀରେ 2019ରେ ମଧ୍ୟ ନ୍ୟୁଜିଲାଣ୍ଡକୁ ମାଉଣ୍ଟ ମାଉଙ୍ଗାନୁଇରେ ଏକଦିବସୀୟ 90ରନରେ ହରାଇଥିଲା ।

ଅକଲାଣ୍ଡ: ନ୍ୟୁଜିଲାଣ୍ଡ ଗସ୍ତରେ ବିଜୟର ସହ ସିରିଜ ଆରମ୍ଭ କରିଛି ଟିମ ଇଣ୍ଡିଆ । ଶୁକ୍ରବାର ଖେଳାଯାଇଥିବା ମ୍ୟାଚରେ ନ୍ୟୁଜିଲାଣ୍ଡକୁ 6 ୱିକେଟରେ ମାତ ଦେଇ ଭାରତ 5 ମ୍ୟାଚ ବିଶିଷ୍ଟ ଟି-20 ସିରିଜରେ 1-0ରେ ଆଗୁଆ ରହିଛି । ଦ୍ବିତୀୟ ଟି-20 ରବିବାର ସାଧାରଣତନ୍ତ୍ର ଦିବସରେ ଖେଳାଯିବ । ତେବେ ଏହି ମ୍ୟାଚକୁ ଜିତି ଭାରତ ସିରିଜରେ ନିଜ ସ୍ଥିତି ମଜବୁତ କରିବାକୁ ଚାହିଁବ ।

ଭାରତ ସାଧାରଣତନ୍ତ୍ର ଦିବସରେ ଦେଇପାରେ ବିଜୟ ଉପହାର । ଏହା ପୂର୍ବରୁ ଭାରତ 26 ଜାନୁଆରୀରେ 2019ରେ ମଧ୍ୟ ନ୍ୟୁଜିଲାଣ୍ଡକୁ ମାଉଣ୍ଟ ମାଉଙ୍ଗାନୁଇରେ ଏକଦିବସୀୟ 90ରନରେ ହରାଇଥିଲା । ଆହୁରୀ ମଧ୍ୟ 1986ରେ ଭାରତ ଅଷ୍ଟ୍ରେଲିଆକୁ 36 ରନରେ ହରାଇଥିଲା । 2016 ଜାନୁଆରୀ 26ରେ ମଧ୍ୟ ଅଷ୍ଟ୍ରେଲିଆକୁ ଟି-20ରେ 37 ରନରେ ହରାଇଥିଲା ଭାରତ ।

ରବିବାର ମ୍ୟାଚ ଜିତିଲେ ଭାରତର ବିଜୟ ତାଲିକାରେ ଆଉ ଏକ ବିଜୟ ଜୋଡି ହୋଇଯିବ । ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଦ୍ବିତୀୟ ଟି-20 ଅକଲାଣ୍ଡର ଇଡେନ ପାର୍କରେ ଖେଳାଯିବ । ଭାରତୀୟ ସମୟ ଅନୁସାରେ 12.20ରେ ଖେଳାଯିବ ମ୍ୟାଚ । 11.50ରେ ପଡିବ ଟସ ।