କୋଲକାତା: କୋରୋନା ଭାଇରସ ଯୋଗୁଁ ସାରାଦେଶ ଲକଡାଉନରେ ରହିଛି । ତେବେ ଏହି ଲକଡାଉନ ସମୟରେ ବେଙ୍ଗଲ କ୍ରିକେଟରଙ୍କ ପାଇଁ ଅନଲାଇନ କୋଚିଂ ପାଇଁ ସ୍ବତନ୍ତ୍ର ବ୍ୟବସ୍ଥା କରିଛି ବେଙ୍ଗଲ କ୍ରିକେଟ ଆସୋସିଏସନ(CAB) ।
ସିଏବି ସଭାପତି ଅଭିଶେକ ଡାୟମିୟାଙ୍କ ସୂଚନା ଅନୁଯାୟୀ, ପୂର୍ବତନ ଭାରତୀୟ ଭେଟେରନ ବାଟ୍ସମ୍ୟାନ ଭିଭିଏସ ଲକ୍ଷ୍ମଣଙ୍କ ସହ ଅନଲାଇନରେ ପୃଥକ ଭାବେ ଯୋଗଦେବେ ବେଙ୍ଗଲ ବ୍ୟାଟ୍ସମ୍ୟାନ । ଭେରି ଭେରି ସ୍ପେଶାଲ ଶିଖାଇବେ ଦମଦାର ଓ ସଫଳ ବ୍ୟାଟିଂ ଟିପ୍ସ ।
2019-20 ରଣଜୀ ଟ୍ରଫି ସିଜିନରେ ଫାଇନାଲରେ ପ୍ରବେଶ କରିଥିଲା ବେଙ୍ଗଲ ଟିମ । 13 ବର୍ଷ ପରେ ଦଳ ପାଇଁ ରଣଜୀ ଟ୍ରଫି ବିଜୟକ ସୁଯୋଗ ରହିଥିଲା । ମାତ୍ର ଫାଇନାଲରେ ମ୍ୟାଚରେ ସୌରାଷ୍ଟ୍ର ବିଜୟୀ ହେବାସହ, ପ୍ରଥମ ରଣଜୀ ଟ୍ରଫି ନିଜ ନାମରେ କରିଥିଲା ।
