ଜୋହାନ୍ସବର୍ଗ: ପୁଣି ଥରେ ବିବାଦରେ ଇଂଲଣ୍ଡ ଅଲରାଉଣ୍ଡର ବେନ ଷ୍ଟୋକ୍ସ। ଜୋହାନ୍ସବର୍ଗ ଟେଷ୍ଟ ମ୍ୟାଚ ବେଳେ ଦର୍ଶକଙ୍କୁ ଅଭଦ୍ର ଭାଷାରେ ଗାଳି କରିଥିଲେ । ତେବେ ଆଇସିସିର ଆଚାର ସଂହିତା ଉଲଂଘନ କରିଥିବାରୁ ଷ୍ଟୋକ୍ସଙ୍କ 15 ପ୍ରତିଶତ ମ୍ୟାଚ ଫି କାଟିବା ସହ ଗୋଟିଏ ଡିମେରିଟ ପଏଣ୍ଟ ଦେଇଛି ଆସିସି ।
ଜୋହାନ୍ସବର୍ଗରେ ଦକ୍ଷିଣ ଆଫ୍ରିକା ଓ ଇଂଲଣ୍ଡ ମଧ୍ୟରେ ଚାଲିଥିବା ଚତୁର୍ଥ ଟେଷ୍ଟ ମ୍ୟାଚର ପ୍ରଥମ ଇନିଂସରେ ଷ୍ଟୋକ୍ସ ମାତ୍ର ଦୁଇ ରନ କରି ଆଉଟ ହୋଇଥିଲେ । ତେବେ ଆଉଟ ହୋଇ ପାଭିଲିୟନ ଫେରିବା ବେଳେ ଷ୍ଟାଡିୟମରେ ବସିଥିବା ଜଣେ ଦର୍ଶକ ତାଙ୍କୁ କିଛି କହିଥିଲେ ଯାହାର ଉତ୍ତରରେ ଷ୍ଟୋକ୍ସ ତାଙ୍କୁ ଅଭଦ୍ର ଭାଷା ପ୍ରୟୋଗ କରି ଗାଳି ଦେଇଥିଲେ ।
ଦର୍ଶକ ଜଣକ ଷ୍ଟୋକ୍ସଙ୍କ ତୁଳନା ପପ ସିଙ୍ଗର ଶିରିନଙ୍କ ସହ କରିଥଲେ ଯେଉଁଥିରେ ରାଗିଯାଇ ଷ୍ଟୋକ୍ସ ଏଭଳି ପ୍ରତିକ୍ରିୟା ଦେଇଥିଲେ । ତେବେ ଘଟଣା ପରେ ଷ୍ଟୋକ୍ସ ଟ୍ବିଟରରେ କ୍ଷମା ମାଗିଥିଲେ । ଘଟଣା ପରେ ଆଇସିସି ଷ୍ଟୋକ୍ସଙ୍କ 15 ପ୍ରତିଶତ ମ୍ୟାଚ ଫି କାଟିବା ସହ ତାଙ୍କୁ ଗୋଟିଏ ଡିମେରିଟ ପଏଣ୍ଟ ଦେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
